Qoǵam • 07 Mamyr, 2020

A.Shákirov Jeńistiń 75 jyldyǵyna arnalǵan parlamentaralyq dıalogqa qatysty

20 retkórsetildi

2020 jylǵy 7 mamyrda birqatar elderdiń parlamentteriniń basshylary men ókilderiniń qatysýymen 1941-1945 jyldardaǵy Uly Otan soǵysy Jeńisiniń 75 jyldyǵyna arnalǵan beınekonferensııa sıpatynda parlamentaralyq dıalog boldy. Bul týraly Parlament Senatynyń baspasóz qyzmeti habarlady.

Oǵan Qazaqstan Respýblıkasy Parlamenti Senaty Tóraǵasynyń orynbasary Asqar Shákirov qatysyp, Senat Tóraǵasy Máýlen Áshimbaevtyń jáne Parlament depýtattarynyń atynan kezdesýge qatysýshylardy osynaý asa mańyzdy merekemen quttyqtady.

Senat Tóraǵasynyń orynbasary elimizdiń Tuńǵysh Prezıdenti - Elbasy Nursultan Ábishuly Nazarbaev bastaǵan Qazaqstan táýelsizdik jyldarynda dostyq pen yntymaqtastyqty, tatý kórshilik pen yqpaldastyqty nyǵaıtý jolynda kele jatqanyn atap ótti. Búgin biz Jeńis merekesin dostarymyzben jáne baýyrlarymyzben qýana qarsy alýdamyz.

«Árbir qazaqstandyq otbasy soǵys aýyrtpalyǵyn bastan keshti. Respýblıkadaǵy 6 mıllıon 200 myń adamnyń 1 mıllıon 200 myńy Keńes áskeriniń jaýyngerlik týy astynda shaıqasty, 700 myńǵa jýyq eńbekshiler jumys kolonnalary sapynda eńbek etti. Osylaısha, soǵys kúnderi respýblıka halqynyń tórtten birinen astamy ásker men eńbek armııasy qataryna qosyldy.

Soǵystyń alǵashqy saǵattarynda Qazaqstan aýmaǵynda ásker bólimderi men bólimsheler quryla bastady, olar janqııarlyqpen jaýmen shaıqasty, erlik kórsetti. Olardyń ishinde qazaq halqynyń dańqty uly Baýyrjan Momyshuly aıqasqan 8-shi gvardııalyq Panfılov dıvızııasy da boldy. Otan astanasy – Máskeýdi qorǵaǵan batyrlar halyq jadynda máńgi qaldy», - dep atap ótti A.Shákirov.

Sondaı-aq Uly Otan soǵysyndaǵy erligi úshin 500-den astam qazaqstandyq Keńes Odaǵynyń Batyry ataǵyna ıe bolǵany atalyp ótildi. Osy joǵary ataqqa Shyǵys áıelderiniń arasynda qazaq qyzy Mánshúk Mámetova men Álııa Moldaǵulova ıe boldy.

Tóraǵa orynbasary Memleket basshysy Qasym-Jomart Toqaev barsha qazaqstandyqtardyń pikirin bildire kelip, «tarıhty burmalaýǵa jáne jeńiske jetýdegi Keńes Odaǵynyń negizgi rólin joqqa shyǵarýǵa bolmaıdy – bul tarıhı aqıqatqa qarsy shyǵý degendi bildiredi» degen bolatyn», - dep atap ótti A.Shákirov.

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar