Aımaqtar • 10 Mamyr, 2020

Indet juqtyrǵan Almatylyqtardyń 92%-y syrtqy ortamen baılanysta bolmaǵandar

70 retkórsetildi

Bul týraly Almaty qalasynyń memlekettik bas sanıtarlyq dárigeri Jandarbek Bekshın aıtty.

Qala boıynsha búgingi kúni COVID-19-dyń rastalǵan 1578 jaǵdaıy tirkelgen. Aǵymdaǵy jyldyń 8 mamyrynda koronavırýs ınfeksııasyn juqtyrǵan 108 jaǵdaı tirkeldi. Qaýipti indetpen aýyrǵandardyń 92%-y juqtyrǵandarmen baılanysta bolǵan adamdardyń ishinen anyqtalǵan. Sebebi, mamandar vırýs juqtyrǵandarmen qarym-qatynasta bolǵandardy jedel, der kezinde baqylaýǵa alyp otyr.

Naýqastardyń 7%-y skrınıngten ótken kezde, 1%-y medısınalyq kómekke júgingen kezde josparly emdeýge jatqyzý aldynda anyqtalǵan.

Qazirgi tańda qalamyzda profılaktıkalyq skrınıng ádisi engizilgen. Bul – koronavırýstyq ınfeksııany jedel ári sapaly, dál anyqtaıtyn zamanaýı ádis.

«Mundaı ádis engizilgennen beri, mysaly, ótken sáýir aıynda koronavırýstyq ınfeksııany juqtyrý deńgeıi táýligine 6%-dan aspaǵandyqtan, qala ekonomıkasyn kezeń-kezeńimen qalpyna keltirý strategııasy júzege asyryla bastady. Karantınnen qaýipsiz shyǵý úshin Almatyda ınfeksııanyń jasyryn oshaqtaryn belsendi anyqtaý maqsatynda jappaı testileý júrgizilýde.

Profılaktıkalyq skrınıng ádisiniń bergen taǵy bir jaqsy nátıjesi, 75% naýqastyń boıyndaǵy qaterli ınfeksııa sımptomsyz, óte jeńil kezeńinde anyqtaldy. Bul, árıne, syrqattyń asqynýynyń aldyn alady jáne tez saýyǵyp ketýine múmkindik mol. Ekinshiden, bul skrınıng bizge jasyryn indet oshaqtaryn da jedel anyqtaýǵa kómektesip jatyr.

Bir kúnde anyqtalǵan 108 naýqastyń bári karantınde otyrǵan adamdarmen baılanysta bolǵandar. Iаǵnı, olar syrtqy ortadan, úıinen nemese jumys ornynan juqtyryp kelmegender. Biz ol deńgeıge jetkizbedik», – dedi J.Bekshın.

Sáýir aıynda sanıtarlyq-epıdemıologııalyq baqylaý sharalaryn kúsheıtý jáne testileý kontıngentin keńeıtý nátıjesinde juqtyrý oshaqtary anyqtaldy. Baılanysta bolǵan barlyq adam dereý oqshaýlandy. Búgingi kúni juqtyrý jaǵdaılary osy toptaǵy oqshaýlandyrylǵan adamdardyń arasyndaǵy anyqtalýda, demek, ınfeksııanyń odan ári taralý joly kesildi.

Qalanyń bas sanıtarlyq dárigeriniń sózinshe, PSR dıagnostıkasynyń aýqymy, ıaǵnı kontıngenti keńeıtilgen. Bastapqy kezeńde PSR-test júrgizetin 2 zerthana bolǵan, al qazir olardyń sany 6-ǵa jetti. Bul koronavırýstyq ınfeksııanyń jolyn kesý úshin úlken kúsh dep bilemiz. Nátıjesinde ózge aımaqtarmen salystyrǵanda almatylyqtardyń PSR-testten ótý kórsetkishi, ıaǵnı qamtylý deńgeıi respýblıka boıynsha alǵashqy orynda tur.

Almatyda osy ýaqytqa deıin jalpy 85 myńǵa jýyq adam koronavırýs ınfeksııasyn anyqtaý testinen ótti, onyń ishinde 61-myńy PSR ádisimen, al 24 myńy eksperss-test boıynsha.

«PSR-dıagnostıka qazirgideı syn shaqta bizge eń sapaly ári jedel, dál nátıje berip otyrǵanyn bas aıta keteıin.

Bul indet qalada eń alǵash 13 naýryzda tirkelgeni belgili. Al qazir Almaty aýrýshańdyq shyńynan ótti. Úıdegi indet oshaqtarynyń sany jáne turǵyndar arasyndaǵy naýqastar kórsetkishi azaıǵan. Bul – profılaktıkalyq skrınıng ádisiniń jemisi.

Budan ári de qaýipti indetti juqtyrǵandar sanyn osylaı der shaǵynda anyqtap, oqshaýlaý jáne olarmen tyǵyz baılanysta bolǵan adamdarmen jumys isteý ádisin ustanamyz. Profılaktıkalyq zamanaýı bul ádis ınfeksııanyń syrtqy ortaǵa taralyp ketpeýiniń aldyn alady jáne vırýstyń alǵashy satysynda-aq anyqtalady. Búgingi tańda osyndaı jumystardyń nátıjesinde naýqastar sanynyń kúndelikti ósý qarqyny 27%-dan 5%-ǵa azaıǵan. Iаǵnı, epıdemıologııalyq ahýal turaqtalyp keledi. Bizdiń oıymyzsha bul kórsetkish te bara-bara odan ári tómendeıdi», – dedi Jandarbek Bekshın.

Sońǵy jańalyqtar

Almatyda aqyn kóp...

Ádebıet • Búgin, 07:44

«Aqbilek». Jan jarasy...

Ádebıet • Búgin, 07:42

Shuǵyla-nurdy betke alyp...

Rýhanııat • Búgin, 07:38

Abaıǵa arnalǵan músháıra

Abaı • Búgin, 07:36

Jalǵyz kompanııa Alataýdy ıgere ala ma?

Ekonomıka • Búgin, 07:28

Tarıh tarazysyndaǵy tórt jaıt

Tarıh • Búgin, 07:22

Salǵyrttyq san soqtyrmasyn

Qoǵam • Búgin, 07:10

Eldik nyshandar tarıhy

Qazaqstan • Keshe

Uqsas jańalyqtar