Aımaqtar • 10 Mamyr, 2020

Almaty: Indet juqtyrý qaýpi seıilgen joq

68 ret kórsetildi

Almaty qalasynyń memlekettik bas sanıtarlyq dárigeri Jandarbek Bekshınniń aıtýynsha, almatylyqtarǵa betperde kıip, jeke basynyń qaýipsizdigi men qaýipti indettiń aldyn alý úshin dezınfeksııalyq jáne antıseptıkalyq quraldardy paıdalaný kerek.

«Barlyq saqtyq sharalarynyń saqtalatynyn aıtqym keledi. Tótenshe jaǵdaı rejımi aıaqtalǵan kúnniń ózinde shekteý sharalary, sanıtarlyq-epıdemıologııalyq talaptar saqtalady. Menińshe, bul bizge áli de qajet. О́ıtkeni, koronavırýstyq ınfeksııany juqtyrý qaýpi seıilgen joq», – dedi J.Bekshın.
Sondyqtan qala turǵyndarynyń adamdar kóp jınalatyn jerge barmaǵandary durys.

Dúkenge, shashtaraz, kıim tazalaıtyn mekemelerge barǵanda áleýmettik qashyqtyqty saqtaý kerek. Sondaı-aq, qyzmetkerlerden qarapaıym gıgıena erejelerin saqtaý talap etiledi.
Jandarbek Bekshın adamdar aldyn ala jazylý tártibin saqtap, jasandy kezek jasaýdan aýlaq bolýǵa shaqyrdy.

«Barlyq dúkender men kásiporyndar barlyq sanıtarlyq-epıdemıologııalyq normalardy saqtaýy tıis. Bul rette qaladaǵy barlyq jumys berýshilerge aıtarym bar. Olar óz qyzmetkerlerin kásiporynnyń nemese nysannyń menshik nysanyna qaramastan jeke qorǵaý quraldarymen qamtamasyz etýi qajet. Barlyq personal betperde, qolǵap jáne óziniń tehnologııalyq kıiminde bolýy tıis. Dúkender men shashtarazdar qyzmetkerleri mindetti túrde betperde, bas kıimdi jáne fırmalyq kıimniń ústine qolǵap kıip júrýge tıis. Barlyq úı-jaılar únemi jeldetilip, al jumys oryndary dezınfeksııalaý quraldarymen óńdelýi tıis», – dep atap ótti bas sanıtarlyq dáriger.

Ol sondaı-aq, bul erejeler qurylys nysandaryna da qatysty ekenin atap ótti. Qurylysta barlyq jumysshylar ózderiniń tehnologııalyq kıimderin kıip júrgenine qaramastan, betperde kııýleri mindetti.

11 mamyrda Almaty qalasynda karantın rejımi saqtalady. Perımetr boıynsha ornalasqan blok-beketterdiń jumysy da jalǵasady. Buǵan deıin qabyldanǵan qalaǵa kirý men shyǵý erejeleri sol kúıi saqtalady. Jumysqa ruqsat alǵan kásiporyndar ǵana jiberiledi. Qoǵamdyq kóliktiń jumys tártibi de ózgerissiz qalady (saǵat 06.00-den keshki 19.00-ge deıin).

Sońǵy jańalyqtar

Eńbekteri elengen jandar

Oqıǵa • Keshe

"Teledáriger" jobasy ashyldy

Qazaqstan • Keshe

Túrkistan jasyl qalaǵa aınalýda

Ońtústik Qazaqstan • Keshe

Uqsas jańalyqtar