Aımaqtar • 11 Mamyr, 2020

Karantın kezindegi «mádenıet» turǵyndarǵa qyzmet kórsetýde

18 retkórsetildi

Oblystyq mádenıet, tilderdi damytý jáne arhıv isi basqarmasynyń basshysy Ernur Dáýenov onlaın-brıfıngte  Tótenshe jaǵdaı kezinde oblystyń mádenıet mekemeleri qashyqtyqtan jumys jasap jatqany jaıly habardar etti.

Elimizdiń óner ujymdarynyń onlaın konsertinen bólek, túrli deńgeıde uıymdastyrylǵan baıqaýlar men chellendjderge de pavlodarlyqtar da belsendi qatysýda.

Al, óńirdegi barlyq  qalalyq, aýdandyq mádenıet  bólimderi áleýmettik jelilerde jáne medıa resýrstarda jergilikti ónerpazdardyń konsertterin, kórmelerin, túrli salalar boıynsha mamandardyń leksııalary, chellendjder, baıqaýlar men sheberlik saǵattaryn uıymdastyrylýda.

- Biz karantın kezinde turǵyndardyń ýaqytty rýhanı maǵynada ótkizýi úshin úı jaǵdaıynda mádenı-saýyq sharalarynyń jobasyn jasadyq. Osy maqsatta oblys turǵyndary mádenıet bólimderiniń ınstagramdaǵy resmı paraqshalarynda, madeniet atty biryńǵaı ınstagram paraqshasynda qyzyqty, paıdaly keıster jarııalanýda. Bul kóp jazylýshylardy qamtıtyn tipavlo, tipavlo.dar, umihelp, mypavlodar, kuda_poidem_pvl jáne basqa da paraqshalarǵa beriledi, - deıdi E.Dáýenov.

 Basqarma basshysynyń aıtýynsha, onlaın túrde uıymdastyrylǵan sharalar turǵyndar arasynda erekshe qyzyǵýshylyqqa ıe bolǵan.

Mysaly, G.Potanın atyndaǵy oblystyq tarıhı-ólketaný mýzeıi ótkizgen «Dınozavrdyń  sýretin»  salý boıynsha 1 aptanyń ishinde 1300 qatysýshydan ótinish túsken.

Al, sýretshi Olga Kerımovanyń 10 jyl buryn salynǵan tanymal portretindegi 3 jasar qyzdy izdeý sharasy odan da qyzyqty. Barlyq áleýmettik jelide keń taraǵan portrettegi qyz  da tabyldy.

 - Shyǵarmashylyq ujymdardyń konsertteri men spektaklderin  I.Baızaqov atyndaǵy fılarmonııa, teatrlardan You Tube arnalarynan kóre alady.

J.Aımaýytov atyndaǵy oblystyq qazaq mýzyka-drama teatrynyń You Tube arnasynan «Kútpegen kezdesý» spektaklin kórýge bolady.

 Al karantın merzimi bitken soń, oblystyq qazaq, orys teatrlary Ekinshi Dúnıe júzilik soǵystyń  aıaqtalýynyń 75 jyldyǵyna arnalǵan premeralyq qoıylymdaryn kórermen nazaryna usynady.

 

PAVLODAR

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar