Aımaqtar • 11 Mamyr, 2020

Qyzylorda oblysynda karantın rejımi uzartyldy

427 retkórsetildi

Bul sheshim Qyzylorda oblysynyń bas memlekettik sanıtarlyq dárigeriniń №12 qaýlysy negizinde júzege asady.

Aımaqta koronavırýs ınfeksııasynyń taralýynyń aldyn alý jáne halyqtyń qaýipsizdigin qamtamasyz etý maqsatynda oblystyń bas memlekettik sanıtarlyq dárigeriniń qaýlysy negizinde 3 sáýirden bastap engizilgen shekteý sharalary, onyń ishinde epıdemıologııalyq jaǵdaı turaqtanǵanǵa deıin karantın ýaqyty uzartyldy.

Shekteý sharalaryn jeńildetýdiń úsh kezeńi jarııalandy. Birinshi kezeń boıynsha 11 mamyrdan bastap, jumys isteýge ruqsat berildi. Alǵashqy kezekte shekteýli ýaqyt boıynsha bólek turǵan azyq-túlik emes taýarlardy satatyn dúkenderge ruqsat etildi. Otyrǵyzý oryndardyń sanyna sáıkes ýaqyt shekteýi boıynsha qoǵamdyq kólikter saǵat 07:00-den 21:00-ge deıin qatynaı alady. Al qoǵamdyq monshalarǵa shekteýli ýaqyt boıynsha kópshilikti qabyldaı alady. Sondaı-aq, shekteýli ýaqyt boıynsha 30 adamnan aspaıtyn mádenıet jáne sport nysandarynyń jumysyna ruqsat beriledi. Oǵan qosa saǵat jóndeý sheberhanalaryna, hımııalyq tazalaýǵa, fotosalondarǵa, jarnamalyq agenttikterge, sondaı-aq sulýlyq salondaryna, mal bazarlaryna qurylys materıaldary bazarlaryna jumyspen qamtý ortalyqtaryna ruqsat etiledi.

Al ekinshi kezeń 18 mamyrdan bastalady. Bul ýaqytta balabaqshalardyń kezekshi toptaryna, kórermenderdiń qatysýynsyz 50 jumysshydan aspaıtyn mádenıet jáne sport nysandarynyń, aldyn ala jazylý negizinde shekteýli ýaqytpen halyqqa qyzmet kórsetý ortalyqtarynyń jumysy júrgiziledi. Al 25 mamyrdan bastalatyn úshinshi kezeńde qonaq úı keshenderine, otelderge, saýda oıyn-saýyq ortalyqtaryna ruqsat etiledi.

Búginge deıin Qyzylorda oblysynda 230 adam koronavırýstyq ınfeksııaǵa shaldyqsa, onyń ishinde, 161 turǵyn qaterli indetten saýyǵyp shyqty.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar