Aımaqtar • 11 Mamyr, 2020

Nur-Sultanda 70-ten astam sýburqaq jumys istep tur

5 retkórsetildi

Sýburqaqtar maýsymynyń jalpy qalalyq ashylýy 1 mamyrda ótti, dep habarlaıdy elorda ákimdiginiń resmı saıty.

Nur-Sultan turǵyndary jumys istep turǵan sýburqaqtardy qalanyń barlyq aýdandarynan kóre alady. 73 sýburqaqtyń barlyǵy qajetti daıyndyqtan ótken.

Sýburqaqtardyń kóbi, ıaǵnı 48-i Esil aýdanynda ornalasqan. Onyń barlyǵyna qaıta tazartý, elektr sorǵylaryn qaıta qaraý, sý astyndaǵy jaryqtandyrý shamdary jáne sabyndy eritindilermen tazartý júrgizilgen. Nurjol býlvary, EKSPO-2017, «Jetisý» saıabaǵy men Botanıkalyq baqta ornalasqan tórt sýburqaqtyń mýzykasyn baptaý júrgizildi.

Baıqońyr aýdanyndaǵy sýburqaqtardy jóndeý-qalpyna keltirý júrgizilgen. Jalpy alǵanda, bul aýdanda 4 sýburqaq bar. Onyń ishinde bireýi Esil saýda úıiniń mańynda ornalassa, qalǵany «Jastar» Saraıynyń aýmaǵynda.

Saryarqa aýdanynda 11 sýburqaq bar: «Aqjaıyq» sýburqaǵy – Bógenbaı batyr jáne Jeńis kóshesiniń qıylysy, «О́mir aǵashy» sýburqaǵy  – Abaı – Jeńis, «Kazaq drama teatry» sýburqaǵy – Omarov, «Fýtbol oıynshylary» sýburqaǵy – Jeńis – Kenesary, Fontandardyń kaskady – Respýblıka – Omarov, «Jastar» teatryndaǵy sýburqaq, «Álııa» sýburqaǵy – Moldaǵulova – Jeńis, «Atyraý» sýburqaǵy– Beıbitshilik – Esenberlın, M.Áýezov jáne Máskeý kóshesiniń alańyndaǵy sýburqaq – Respýblıka – Máskeý, Abaı dańǵyly boıyndaǵy sýburqaq – Abaı dańǵyly 27, «Saryarqa» sýburqaǵy– Saryarqa aýdany ákimdigi.

Almaty aýdanynda on sýburqaq bar. Olar «Qazaq Eli» alańynda, Táýelsizdik saraıynda, Áziret Sultan meshitinde, «Otan Qorǵaýshylar» monýmentinde, Prezıdenttik park kesheninde (Pıramıdanyń artynda), Beıbitshilik jáne kelisim saraıynyń aldynda, «Qazaqstan» sport kesheninde, B.Momyshuly atyndaǵy saıabaqta, Oqýshylar saraıynyń janynda ornalasqan.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar