Álem • 11 Mamyr, 2020

Japonııada «Nur-Sultan» atty sakýra surypy shyǵaryldy

22 retkórsetildi

Hokkaıdo aralynda Qazaqstan astanasynyń qurmetine «Nur-Sultan» dep atalatyn sakýranyń jańa surypy gúldedi. Jańa surypty Hokkaıdo prefektýrasynyń Orman sharýashylyǵy ǵylymı-zertteý ınstıtýty shyǵardy. Bul týraly Syrtqy ister mınıstrliginiń baspasóz qyzmeti habarlady.

«Nur-Sultan» sakýrasynyń ereksheligi mınýs 40 gradýsqa deıin aıazǵa tózimdilik – bul astanamyzdyń aýa-raıy jaǵdaılaryna beıimdelý úshin eń qajet sıpattamalardyń biri.

Qazaqstannyń astanasyn beıneleıtin sakýra gúli qos gúldený áserine baılanysty 10 qardaı aq kúlte japyraqshalardan turady, al sakýranyń basqa suryptarynda ádette 5 japyraqsha ǵana bar.

Sakýranyń jańa surypynyń avtory - Hokkaıdo prefektýrasy Orman sharýashylyǵy ǵylymı-zertteý ınstıtýtynyń doktory Ioıchı Vakıta aıtqandaı: «Meniń álemdegi sýyq aımaqtarda sakýrany ósirýmen aınalysatyn molekýlıarlyq bıolog retindegi maqsatym – aıazǵa tózimdi sakýranyń genetıkalyq áleýetin únemi keńeıtý. «Nur-Sultan» surypy ǵylymı eksperıment, sondaı-aq qazaq halqyna syılyq-tilek bolyp tabylady. Gúldep turǵan sakýrany tamashalaý japon halqynyń negizgi mádenı kody jáne býddıstik senimderdiń negizinde sakýra gúlderi tabıǵattyń shyǵarmashylyq kúshin jáne kóktemniń kelýin bildiredi. Osylaısha, men Qazaqstanǵa koronavırýstyq ınfeksııanyń taralýyn toqtatyp, daǵdarystan tez arada shyǵýdy tileımin».

Aıazǵa tózimdi «Chıshımazakýra» sakýrasynyń túri Japonııanyń eń soltústik aımaǵy – Hokkaıdo prefektýrasynda ósedi jáne Orman sharýashylyǵy ǵylymı-zertteý ınstıtýty bıotehnologııalardy qoldaný arqyly sakýranyń osy túrin suryptaýmen aınalysady.

Tanymal japon sáýletshisi jáne Nur-Sultan qalasy Bas josparynyń ázirleýshisi Kısıo Kýrokavanyń uly Mıkıo Kýrokavanyń aıtýynsha, onyń ákesi Tuńǵysh Prezıdent Nursultan Nazarbaevtyń erekshe senimine arqa súıeı otyryp Qazaqstan astanasynyń bas josparyn ázirleý kezinde óziniń metabolızm men sımbıoz arhıtektýralyq baǵytynyń tujyrymdamasyn iske asyrdy. Arhıtektordyń negizgi ıdeıasy «sımbıotıkalyq sáýlet» prınsıpi boıynsha qalalyq jáne tabıǵı ortany úılestirý boldy. «Japon ǵalymdary ázirlegen Nur-Sultan atty sakýranyń jańa surypy bizdiń elderdi biriktiretin taǵy bir faktor bolatynyna senimdimin», - dedi M.Kýrokava.

Sakýra aǵashy Japonııanyń ulttyq brendi bolyp tabylady. Hanamı nemese gúldený kezinde sakýrany tamashalaý dástúri jyl saıyn elge mıllıondaǵan týrısterdi tartady. Bul artyqshylyqty Germanııa, Fransııa jáne AQSh sııaqty jaıly klımaty bar óńirlerde ornalasqan elder sheteldik týrısterdi tartý úshin paıdalanýda.

Japonııada hanamı kezeńi ystyq Okınavada aqpan aıynan bastalyp, aıazdy Hokkaıdoda mamyrǵa deıin sozylady. Sakýra gúlderiniń «tolqyny» birtindep eldiń ońtústiginen soltústigine taralady. Japon araldarynyń paıda bolýynan bastap ósip kele jatqan elde 10-ǵa jýyq jabaıy sakýranyń túrleri bar. Japondyqtar úshin sakýrany tamashalaıtyn eń yńǵaıly oryn – Shındzıýký ulttyq parki, onda 300-den astam sakýranyń suryptary otyrǵyzylǵan.

1

Sońǵy jańalyqtar

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar