Qazaqstan • 11 Mamyr, 2020

Múgedekterdi áleýmettik qoldaý sharalary men jeńildikteri 3 aıǵa uzartyldy

1806 retkórsetildi

Eńbek jáne halyqty áleýmettik qorǵaý mınıstrligi múgedekterdi qoldaý boıynsha qosymsha sharalar qabyldady. Qaıta qaraý merzimi tótenshe jaǵdaıdan (budan ári - TJ) bir aı buryn jáne onyń barysynda (16 aqpannan 10 mamyrǵa deıin) oryn alǵan jáne qaıta tekserýden ótpegen múgedekter úshin múgedektik merzimi avtomatty túrde buǵan deıin belgilengen qaıta tekserý kúninen bastap 3 aıǵa uzartylady.  Sonymen birge qaıta tekserý merzimi aqpan aıyna kelgen múgedekterge aı tolyq esepteledi. Bul týraly mınıstrliktiń baspasóz qyzmeti habarlady.

Bul sharalar múgedekterge áleýmettik qoldaý kórsetý, sondaı-aq Tótenshe jaǵdaı rejımi aıaqtalǵannan keıin karantındik sharalardy saqtaý maqsatynda qabyldandy. Múgedektikti avtomatty túrde uzartý medısınalyq-áleýmettik saraptamaǵa qujattardy rásimdeý kezinde bir jerde toptalýyn boldyrmaıdy jáne azamattardyń aýrý juqtyrý qaýpin azaıtady.

Múgedekterdi ońaltýdyń jeke baǵdarlamalaryn júzege asyrý merzimi 3 aıǵa uzartyldy. Buryn usynylǵan ońaltý sharalary, sonyń ishinde tehnıkalyq ońaltý quraldarymen qamtamasyz etý kúshinde qalady.

Múgedekterdi áleýmettik qoldaýdyń barlyq áleýmettik qoldaý sharalary men jeńildikteri 3 aıǵa uzartyldy. Járdemaqy buryn aıqyndalǵan múgedektik tobyna, eńbekke jaramsyzdyq dárejesine sáıkes tólenedi.

Aıta ketý kerek, densaýlyǵynyń jaǵdaıy ózgergen jaǵdaıda, múmkindigi shekteýli jandar qaıta tekserýden buǵan deıin belgilengen merzimnen buryn ótýge quqyly.

Esterińizge sala keteıik, qaıta saraptama taǵaıyndalǵan ýaqytynan bastap bir aı ishinde jasalýy kerek.

Mysaly, eger qaıta tekserý merzimi aǵymdaǵy jyldyń 20 naýryzynda kelgen bolsa, onda merzim avtomatty túrde 20 maýsymǵa deıin uzartylady, al 20 shildege deıin qaıta tekserýden ótýi kerek.

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar