Koronavırýs • 11 Mamyr, 2020

Aqtóbede 1 jasar sábı koronavırýs juqtyrdy

26 retkórsetildi

Aqtóbe oblysynda PTR dıagnostıkalyq zertteý qorytyndysy boıynsha 2019 jylǵy balaǵa COVID-19 dıagnozy qoıyldy. Bul týraly Memlekettik komıssııanyń shuǵyl shtaby habarlady.  

9 mamyrdan bastap balanyń dene temperatýrasy 38 gradýsty kórsetip, ish ótý belgileri bolǵan. 10 mamyrda jedel járdem shaqyrady. Jedel járdem aýrýhanasynyń stasıonaryna barǵasyn synama alynady, PTR zerthanalyq zertteý nátıjesi COVID-19 dıagnozyn anyqtady.

Qazir bala oblystyq juqpaly aýrýlar stasıonarynyń boks palatasyna jatqyzyldy, naýqastyń jaǵdaıy qanaǵattanarlyq. Bekitilgen hattamaǵa sáıkes tıisti emdik sharalar jasalyp jatyr.

Naýqaspen qarym-qatynasta bolǵan adamdar anyqtalyp, barlyǵy medısınalyq baqylaýǵa alyndy. Aýrý oshaqtarynda epıdemıologııalyq zertteý jumystary, dezınfeksııalyq jumystar júrgizilýde.

11 mamyrdaǵy jaǵdaı boıynsha, Aqtóbe oblysynda COVID-19 koronavırýs ınfeksııasyn juqtyrǵan barlyǵy 175 adam tirkelgen.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar