Aımaqtar • 12 Mamyr, 2020

Elordada 22 400 adam jumyspen qamtylady

10 retkórsetildi

Jumyspen qamtý máselesin sheshýde «Eńbek» baǵdarlamasy úlken ról atqarady. Osy baǵdarlama aıasynda jumyspen qamtý ortalyǵy jumyssyz azamattarǵa «Jastar tájirıbesi», «Áleýmettik jumys orny», «Qoǵamdyq jumystar» baǵdarlamalaryna turaqty jumysqa ornalasý, sondaı-aq kásibı oqytý múmkindigimen qatysýdy usynady, dep habarlaıdy elorda ákimdiginiń resmı saıty.

«Búgingi tańda osy mamandyqtar boıynsha tórt myńǵa jýyq bos jumys orny bar. Jumysshy mamandardyń jetispeýshiligi baıqalady. Negizgi sebep – azamattardyń mamandyqty durys tańdamaýy. Aıta ketý kerek, «Eńbek» baǵdarlamasy jańa mamandyqty ıgerýge múmkindik beredi. Mysaly, jumys berýshiler óz kadrlaryn qysqa merzimdi kásiptik oqytý úshin 34 mamandyq boıynsha jibere alady», – dep habarlady Nur-Sultan qalasy ákiminiń orynbasary Baqtııar Maken.

Jumyspen qamtý ortalyǵynyń málimetine sáıkes, bıylǵy birinshi toqsanda jumys izdeýge 2 713 adam júgindi. Onyń ishinde jumyssyzdyqtan áleýmettik qorǵaý sharalarymen 1 865 adam qamtyldy.

«Biz úshin túrǵyndardyń kásipkerlik bastamalaryn qoldaý úlken mańyzǵa ıe. Biz bıznes úshin jeńildikti sharttarmen shaǵyn nesıeler beremiz. Mıkrokredıt kólemi 8-den 20 mln teńgege deıin, merzimi 5 jyldan 7 jylǵa deıin ósti. Budan basqa, jańa bıznes-ıdeıalardy iske asyrýǵa grant beriledi. Bıyl 441 adamdy qamtý josparlanýda. Osy maqsatta 260,3 mln teńge bólindi. Jyl basynan beri memlekettik grant bólý jónindegi komıssııa 59 jańa bıznes-ıdeıany iske asyrýdy maquldap, 47 grant berildi», – dedi B. Maken.

Onyń aıtýynsha, bul sharalardyń barlyǵy jańa jumys oryndaryn ashýǵa jáne azamattardy jumysqa ornalastyrý máselesin sheshýge múmkindik beredi. Jalpy elordada memlekettik baǵdarlamalar aıasynda 22 400 adamdy jumyspen qamtý josparlanǵan.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar