Aımaqtar • 12 Mamyr, 2020

Almatyda epıdemııalyq jaǵdaı turaqtaldy ma?

136 retkórsetildi

Búgin megapolıste koronavırýstyq ınfeksııany juqtyrýdyń 26 jaǵdaıy anyqtaldy. Qazirgi ýaqytta Almatyda jalpy Covid-19 juqtyrǵandardyń sany 1622-ge jetti.

Atalǵan jaǵdaılardyń barlyǵy provızorlyq gospıtaldarda karantınde bolǵan adamdardan anyqtaldy. Buǵan deıin olar vırýs juqtyrǵan adamdarmen baılanysta bolǵan. 

Qazirgi ýaqytta Almatyda koronavırýs indeti boıynsha jaǵdaı turaqtaldy. Sońǵy kúnderi Covid-19 vırýsyna oń nátıjeler tek karantındegi adamdardan anyqtaldy. Jańa juqtyrý oshaqtary joq.

Stasıonarlarda koronavırýstyq ınfeksııadan 1145 adam, provızorlyq gospıtaldarda 404 azamat emdelýde, karantınde – 329 adam jáne úıde oqshaýlaýda 15 327 azamat bar. Stasıonarlardaǵy Covid-19  vırýsy bar 33 emdelýshiniń jaı-kúıi – aýyr, 237 adamda – ortasha deńgeıde jáne qalǵan naýqastarda sımptomsyz jeńil túrde ótýde.

Qazirgi ýaqytta Almaty qalasynda О́JJ apparatymen emdelip jatqan naýqastar da, jaı-kúıi asa aýyr dárejedegi naýqastar da joq. Almatyda atalǵan vırýstan emdelip jatqan adamdardyń basym kópshiliginde, dálirek aıtqanda naýqastardyń 77%-ynda bul syrqat jeńil túrde ótip jatqanyn, ıaǵnı halyqaralyq tájirıbege sáıkes olar emdeýdi qajet etpeıtindigin jáne vırýsty tikeleı tasymaldaýshy bolyp tabylatyndyǵyn esterińizge salamyz.

Bul emdelýshilerge qatysty, eger úıdegi karantınge olarda tıisti jaǵdaılar jasalǵan bolsa, onda olardy úı karantınine jiberý máseleleri qaralatyn bolady, eger tıisti jaǵdaı jasalmaǵan bolsa, onda karantındik stasıonarlarda bolady. Mysaly, qazirgi ýaqytta Almatyda aýrýy jeńil túrde júrip jatqan 68 medısına qyzmetkeri úı jaǵdaıynda ózin-ózi oqshaýlaý jolymen emdeýlerin aıaqtaýǵa aýrýhanadan shyǵarylǵan.

Úıde emdeý tolyq oqshaýlaý jáne pasıenttiń jaı-kúıi týraly turaqty esep berý jaǵdaıynda ótýi tıis, kez kelgen ózin nashar sezingen jaǵdaıda dereý dárigerdi shaqyrý qajet bolady. Tipti, eger pasıent úıde emdelýge qaldyrylsa da, bul onyń jaı-kúıin baqylaýdy toqtatý degendi bildirmeıdi, ol qońyraý shalý arqyly emhana qyzmetkerleriniń kúndelikti baqylaýynda bolady. Budan basqa, olar úıden shyqpaýǵa mindettenetini týraly aqparattandyrylǵan kelisimge qol qoıady.

Sımptomdarsyz tasymaldaýshylarda koronavırýstyq ınfeksııa anyqtalǵan jaǵdaıda, pasıent klınıkalyq tekserýlerden ótip, 3 kún boıy baqylaýda bolady jáne emdeýge jatqyzylady, sodan keıin ǵana úı karantınine jiberiletindigin eskerý qajet. Keshe koronavırýstyq ınfeksııadan saýyǵyp, 38 adam emdeýden shyǵaryldy.

Jalpy megapolıste emdelip, jazylǵandardyń sany 468 adamǵa jetti. Jalpy vırýs juqtyrǵandar ishinen saýyǵyp shyqqan emdelýshiler sany búgingi kúni 29,%-dy quraıdy, al úı karantınine shyǵarylǵandardy esepke alǵanda 33%-dy quraıdy.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar