Ekonomıka • 12 Mamyr, 2020

Elimizde jeńil ónerkásiptegi óndiris kólemi 13,9% ósti

14 retkórsetildi

Elimizde bıylǵy alǵashqy tórt aıdyń qorytyndysynda jeńil ónerkásipte jalpy óndiris kólemi 13,9% ósti. Onyń ishinde toqyma buıymdary óndirisi 13,4%, bylǵary jáne oǵan jatatyn ónimderdiń 12,4%, kıim óndirisi 11,3% ulǵaıǵan. Bul týraly IIDM baspasóz qyzmeti habarlady.

Bul ósim salanyń iri kásiporyndarynyń óndiristik qýatyn arttyrýmen baılanysty boldy. Atap aıtsaq, «Bal tekstıl» JShS byltyr kilem jáne kilem buıymdaryn shyǵaratyn úshinshi sehty iske qosty. «Qazaprodgroup» JShS aıaq kıim shyǵaratyn, «EKONIM» JShS jip, sıntetıkalyq jip, baý, baýlar, jeli órý, arqan-jip buıymdaryn óndirý jobalaryn iske qosyp, barlyq kishi salalarda ósim baıqaldy. «Alliance» saýda-ónerkásip kompanııasy» JShS-de (burynǵy «Iýteks» aksıonerlik qoǵamy) maqta-mata ıirimjip shyǵarý boıynsha toqtap turǵan óndiris iske qosyp, bıylǵy I toqsanda 150 tonna ıirimjip óndirilgen.

Sonymen qatar halyqty ınfeksııalardan qorǵaý quraldarymen qamtamasyz etý maqsatynda betperdeler óndirisine 70-ten astam tigin kásiporyny tartyldy. Bıylǵy 15 naýryzdan bastap betperdelerdiń jalpy shyǵarylymy 40 mln. danany qurady. Sonymen qatar, medısına qyzmetkerlerine arnalǵan qorǵanysh kostıýmderin tigýge tapsyrystar da artty. «Azala Textile» JShS 9 stanokty iske qosyp, dáke shyǵarý kólemin táýligine 1,2 myń sharshy metrden 10 myń sharshy metrge deıin ulǵaıtqan.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar