Elorda • 12 Mamyr, 2020

Nur-Sultan ákimdigi jergilikti bıýdjetti ońtaılandyrdy

21 retkórsetildi

Ákimdikke qarasty uıymdardyń basshylyq quramy qysqartyldy. Birqatar kásiporyndardyń jumysy toqtatylyp, senimdi basqarýǵa berildi. Mádenı-buqaralyq is-sharalardyń sany qysqartyldy, dep habarlady qala ákimdiginiń baspasóz qyzmeti.


Nátıjesinde bıýdjetti ońtaılandyrýdyń jalpy somasy 32 mlrd teńgeden asty.

«Memleket Basshysy Qasym-Jomart Kemeluly Toqaevtyń tapsyrmasyna sáıkes memlekettik jáne kvazıgosektordyń ónimsiz shyǵystaryn qysqartý boıynsha jumys júrgizildi. Ońtaılandyrý esebinen únemdelgen qarajat áleýmettik salaǵa baǵyttaldy. Ekonomıkanyń naqty sektory men ınfraqurylymdy qoldaýǵa 14,5 mlrd teńge bólindi. 3,6 mlrd teńge bilim berý, densaýlyq saqtaý salalary men áleýmettik kómek kórsetýge baǵyttaldy. 3 mlrd. teńgeden astam qarajat áleýmettik mańyzy bar azyq-túlik ónimderiniń baǵasyn ustap turý úshin kredıtter boıynsha paıyzdyq mólsherlemeni sýbsıdııalaý úshin beriledi. Bul óz kezeginde shaǵyn jáne orta bıznesti qoldaýǵa septigin tıgizedi. Bıznes-úderisterdi ońtaılandyryp, olardyń tıimdiligin arttyrý, osy baǵyttaǵy jumysty qaıta uıymdastyrý nátıjesinde 32 mlrd. teńgeden astam qarajat únemdeldi. «Atqarylǵan jumystardyń nátıjesinde únemdelgen qarajat naqty áleýmettik máselelerdi sheshýge, qalanyń ınfraqurylymyn damytýǵa, shaǵyn jáne orta bıznesti qoldaýǵa, jumyspen qamtý máselelerine jáne basqa da mańyzdy salalarǵa baǵyttaldy» dedi qala ákimi Altaı Kólginov onlaın-keńeste.

«Astanaenergoservıs» aksıonerlik qoǵamdyǵyn qaıta uıymdastyrý júrgizildi. Jylyna 1 mlrd.teńgeden astam qarajat únemdeledi. Bul qarajat qysqy kommýnaldyq tehnıkany satyp alýǵa baǵyttaldy. Bıyl basshylyq quramdy qysqartý esebinen qaıtalanatyn fýnksııalary bar 17 zańdy tulǵa ońtaılandyrylady.

Sonymen birge ákimdik «Astana Invest» JShS, «Astana Konvenshn bıýro» JShS, «Astana energosbytovaıa kompanııa» JShS men «Astana kalalyq Jaryq» JShS biriktirý týraly sheshim qabyldady. Sonymen qatar «Astana LRT» JShS, «№1 avtobýs parki» AQ, «Jezkıık» AQ kólik kompanııalaryn biriktirý josparlanyp otyr. Jyl saıyn bul kompanııalardy ustap-kútý shamamen 700 mln teńgeni qurady. Ǵımarattardy jaldaýǵa ketetin shyǵyndardy, basqa da ákimshilik shyǵystardy qysqartý jergilikti bıýdjetti 1 mlrd.teńgege deıin únemdeýge múmkindik beredi.

Sondaı-aq, tennıs ortalyǵy, ózen keme qatynasynyń múlki (qaıyq) sııaqty shyǵyny kóp obektilerdi senimdi basqarýǵa berý jumystary júrgizildi. Buǵan deıin olardy kútip-ustaýǵa jyl saıyn 500 mln teńge qarajat jumsalatyn. Obektilerdi senimdi basqarýǵa berý bıýdjet shyǵyndaryn 3 mlrd teńgege (7 jyldan 10 jylǵa deıin) azaıtýǵa múmkindik berdi. Qalanyń birqatar sport ǵımarattary da senimdi basqarýǵa beriledi. Osylaısha, senimdi basqarý 10-15 jyl ishinde jergilikti bıýdjet qarajatyn 23 mlrd.teńgege (ıaǵnı ár jyl saıyn 1,5 mlrd. teńgege deıin únemdeıdi) deıin únemdeýge múmkindik beredi.


Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Sýret. О́zgeris. Qubylys

Rýhanııat • Búgin, 07:17

Baqyttyń berik bosaǵasy

Rýhanııat • Búgin, 07:13

Jańatastyq jas sheberler

Aımaqtar • Búgin, 07:09

Júıeli jumys jeńiske jetkizedi

Aımaqtar • Búgin, 07:08

Iz qaldyrǵan iri tulǵa

Qoǵam • Búgin, 07:06

Qosaevtar áýletiniń qasireti

Rýhanııat • Búgin, 06:56

Ǵasyr zulmaty

Qoǵam • Búgin, 06:55

Oqý ortalyqtary ońdy ma?

Bilim • Búgin, 06:45

Uqsas jańalyqtar