Aımaqtar • 12 Mamyr, 2020

Taraz qalasynda karantın rejımin buzǵandar anyqtalýda

284 retkórsetildi

Elimizde bastaý alǵan «Jumyspen qamtýdyń jol kartasy» memlekettik baǵdarlamasy aıasynda óńirlerde iske asyrylatyn ınfraqurylymdyq jobalardyń sapasyn baqylaý jáne aýmaqtyq okrýgterdi abattandyrý, sondaı-aq olardyń sanıtarlyq tazalyǵyn qadaǵalaý maqsatynda Taraz qalasynyń 11 aýmaqtyq okrýgteri boıynsha 11 mobıldik toptar qurylǵan bolatyn.

Mobıldik toptardyń quramyna zııaly qaýym ókilderi, qalalyq ardagerler keńesiniń músheleri, oblystyq, qalalyq máslıhat depýtattary, úkimettik emes uıymdardyń ókilderi, ýchaskelik polısııa ınspektorlary jáne qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń qyzmetkerleri engizilgen. Atalǵan top búginde júıeli jumys júrgizýde.

Búgingi kúni top músheleri Taraz qalasynyń aýmaǵynda túsindirý jumystaryn júrgizip keledi. Túsindirý jumystarynyń nátıjesinde 374 tonna kúl-qoqys shyǵarylyp, 1799 tal-daraqtar butalǵan. Sonymen qatar, qala kósheleriniń aıaldamalaryndaǵy 221 dana jabaıy jarnamalar alynyp, aıaldamalar syrlanyp, qalypqa keltirildi. Sondaı-aq, 58 shaqyrym aryq júıeleri tazartylsa, 103 qurylys nysandarynyń qorshaýlary qalypqa keltirilip, beıbereket ornalastyrylǵan 524 jarnamalar alyndy. Jumys nátıjesinde 109 beıbereket saýda oryndary joıylyp, 65 zańsyz ornalasqan dúńgirshekter alyndy. Al, 13 zańsyz, «qyzyl syzyq» normalaryn saqtamaı salynǵan qurylys nysandary buzylsa, 127 bıznes sýbektileriniń ǵımarattary eskızdik jobaǵa sáıkes jańartylǵan. Taraz qalasy boıynsha 19525 sharshy metr jerlerdegi shópter oryldy. Taraz qalasy ákimdiginiń málimetinshe, mobıldik top músheleriniń aıaldamalardy qalpyna keltirý jumystarynan keıin de qaıtadan habarlandyrýlar men jarnamalar ornalastyrǵan 50 azamat anyqtalyp, olar Zań aıasynda ákimshilik jaýapkershilikke tartylǵan. Olarǵa aıyppul salynǵan.  

1

Sonymen qatar, aǵymdaǵy jyldyń 11-12 mamyr kúnderi mobıldik top músheleri volonterlarmen birlese otyryp karantın rejımin buzyp, jumys istep turǵan 13 shashtarazdy anyqtaǵan. Shashtaraz ıelerine eskertý berilip, olardyń jumystary toqtatylsa, 1 shashtaraz ıesine Qazaqstan Respýblıkasynyń Ákimshilik quqyq buzýshylyq Kodeksine sáıkes aıyppul salyndy. Jalpy, Taraz qalasynda «Jumyspen qamtýdyń jol kartasy» memlekettik baǵdarlamasy boıynsha 94 joba júzege asyrylyp,  5664 jumys oryny ashylady dep josparlanýda. Onyń ishinde 2822 jumys ornyna «Jumyspen qamtý ortalyǵynda» resmı jumyssyz retinde tirkelgen azamattar jumyspen qamtylatyn bolady. Bul baǵyttaǵy jumystar óz jalǵasyn tabady.

 

Jambyl oblysy

    

 

 

Sońǵy jańalyqtar

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Uqsas jańalyqtar