Bilim • 13 Mamyr, 2020

Qashyqtan oqý: telearna tereń bilim bere me?

39 retkórsetildi

Almaty oblysyndaǵy 760 mektepte 411 036 oqýshy bilim alady. Búginde barlyq bilim oshaqtary tótenshe jaǵdaıǵa qatysty qashyqtan oqytyp jatyr. Derek boıynsha «Balapan» jáne «Elarna» arnalary arqyly oqıtyn oqýshylardyń muǵalimdermen keri baılanysy úshin qajetti kompıýter, noýt­býk, planshet, smartfonmen 93 paıyzǵa qamtylǵan.

Bastapqyda muǵalim men oqýshy arasyn onlaın baılanys arqyly jalǵaý josparlanǵanymen, óńirdegi shalǵaı aýyldardyń ǵalamtorǵa qosyla almaýynan bul múmkin bolmady. Endi oblystyń barlyq oqýshylary telearnalar arqyly oqyp, keri baılanys úshin kundelik.kz aqparattyq júıesin qoldanady. Al ınternet baılanysy joq aýyldarda bul qyzmetti poshtashy men eriktiler atqarady. Sondaı-aq aımaqtaǵy erekshe jaǵdaıda bilim beretin arnaıy mektepter men ınternattardaǵy bilim berý barysyna da ózgeris engizildi.

– Oblys boıynsha 173 oqýshy tapsyrmalardy qaǵaz formatynda alady. Erekshe bilim berýdi qajet etetin balalarǵa da jete kóńil bólinýde. Oblysta 7 arnaıy ınternat bar, onyń bireýi estý qabileti nashar balalarǵa arnalǵan, taǵy biri kórý qabileti nasharlaǵan balalardy oqytady jáne 5 ınternatta ıntellektinde aýytqýshylyǵy bar balalar bilim alady. Jalpy oqýshy sany – 935 bala. Bul arnaıy mektepterdiń altaýy qashyqtan oqytýǵa kóshedi, tek Jarkent qalasyndaǵy jetim jáne ata-ana qamqorlyǵynsyz qalǵan ári ıntellektinde aýytqýshylyǵy bar balalarǵa arnalǵan arnaıy mektep-ınternattyń 35 balasy shtattyq tártipte oqytylady, – deıdi Almaty oblystyq bilim basqarmasynyń basshysy Maıgúl Omarova.

Oblysta 41 397 pedagog qyzmet isteıdi eken. Búginde muǵalimder kompıýterlik tehnıkamen 100 paıyz qamtylǵan. Olardyń oqýshylarmen keri baılanys ornatýy úshin ınternetke qoljetimdiligi 95 paıyzǵa jetti. Al ǵalamtor jelisi joq eldi mekenderde turatyn 2258 muǵalim kýrerler men volonterlardyń kómegimen jumys jasamaq.

– Biz elimizde karantın engizilip, mektep oqýshylary qashyqtan oqıtyny anyq bolǵan kúnnen bastap qarqyndy daıyndyǵymyzdy bas­tap kettik. Ujym bolyp alǵash ret WhatsApp jelisi arqyly pedagogıkalyq keńesimizdi ótkizdik. Ár muǵalim tyǵyryqtan shyǵar joldy izdep, óz tájirıbelerimen bólisý úshin tapsyrmalar aldy. «Kemedeginiń jany bir» demekshi, zamanaýı tehnıkany meńgergen jas býyn aǵa býyn ustazdarǵa óz tájirıbelerin bólisip, múmkindiginshe úıretýge tyrysty. Jalpy alǵanda, muǵalimder qashan da izdenimpaz, kónbis bolǵandyqtan, bul qıyndyqty eńserýge beıimdelip qaldy. Kemshilikter men jetispeýshilikter de joq emes. Mysaly, elimizdegi ınternet máselesiniń kúrmeýi tolyq sheshilmeı tur. Bul – muǵalimniń daıyndaǵan vıdeo sabaǵyn oqýshyǵa jetkizýge, sol arqyly keri baılanys ornatýǵa birshama aýyrtpalyq túsirýde, – deıdi Talǵar aýdany Keńdala aýylyndaǵy №38 mekteptiń muǵalimi Ǵabıt Daıynov.

 

Almaty oblysy

 

Sońǵy jańalyqtar

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

Uqsas jańalyqtar