Qazaqstan • 13 Mamyr, 2020

«Bogatyr Kómir» JShS byltyr 44 mln tonna energetıkalyq kómir óndirdi

11 retkórsetildi

«Bogatyr Kómir» JShS – «Bogatyr» jáne «Severnyı» kenishterinde ashyq tásilmen kómir óndiretin álemdegi eń iri kásiporyndardyń biri. Kómir razrezderi Pavlodar oblysynda Ekibastuz qalasyna jaqyn ornalasqan. Bul týraly IIDM baspasóz qyzmeti habarlady.

Ken ornynyń teńgerimdik qory shamamen 3 mlrd tonna kómirdi quraıdy. Kompanııa óndiristik qyzmettiń basynan bastap óndiristi tehnıkalyq qaıta jaraqtandyrýmen aınalysady. Tas kómirdi óndirý boıynsha kóshbasshy jáne Reseıge kómirdi negizgi eksporttaýshy. Búgingi tańda kásiporynda 7 myńnan astam adam eńbek etedi.

2019 jyldyń nátıjeleri boıynsha «Bogatyr Kómir» JShS 44,85 mln tonna energetıkalyq kómir óndirdi. Ishki naryqqa 33,8 mln tonna kómir tıelip, reseılik tutynýshylarǵa 10,9 mln tonna eksporttaldy. Kompanııa bıyl da osy kórsetkishterdi saqtap qalýǵa nıetti.

«Bogatyr Kómir» JShS óndiretin kómir Qazaqstannyń iri elektr stansııalaryn otynmen qamtamasyz etedi. Elimizdiń barlyq elektr energııasyn óndirýdiń shamamen 33% kompanııa ónimine tıesili. Sondaı-aq Reseıdiń iri orta Ýral elektr stansııalary, onyń ishinde Restın MAES, Troısk MAES kompanııalaryna jetkizedi.

2014 jyly «Bogatyr Kómir» JShS (benefısıarlary «Samuryq-Energo» AQ (50%) jáne «RÝSAL» BK (50%) AK kómir óndirýdiń sıkldik-aǵymdyq tehnologııasyna (SAT) kóshý jobasyn maquldady. Bul, eń aldymen, taý-ken jumystarynyń neǵurlym tereń qabattarǵa kóshýine, ken ornyn ıgerýdiń taý-ken-geologııalyq jáne taý-ken tehnıkalyq jaǵdaılarynyń nasharlaýyna baılanysty. Qazirgi ýaqytta jobanyń tehnıkalyq–ekonomıkalyq negizdemesi ázirlendi. Negizgi jabdyqty jetkizýshi bolyp Germanııanyń «ThyssenKrupp» ónerkásiptik konserni anyqtalyp, onymen kelisimshart jasaldy jáne ınjınırıngtik jumystardy júrgizý bastaldy. №1 jeli jáne №2 jeli jabdyqtaryn daıyndaý jáne jetkizý úshin birinshi jáne ekinshi avans tólemi júrgizildi. EADB-men nesıe shartyna qol qoıyldy.

Joba sheńberinde karerishilik qoımalardy jáne rotorly ekskavatorlardy usaqtaý-aýystyryp tıeý pýnktterine aýystyrý jáne karerishilik temir joldardy kómirdi konveıerlik tasymaldaýǵa aýystyrý arqyly óndiristi jańǵyrtý kózdelgen. Bul jańashyldyq «Bogatyr Kómir» JShS negizgi quraldary qoryn jańartýǵa, óndiriletin kómirdiń óndiristik qýaty men tutyný sapasyn arttyrýǵa, óndirýge jumsalatyn shyǵyndy azaıtýǵa jáne ekologııaǵa teris áserin shekteýge múmkindik beredi.

Sonymen qatar kómir óndirý boıynsha «Bogatyr» razreziniń qýaty jylyna 32 mln - nan 40 mln tonnaǵa deıin artady. Eńbek ónimdiligi 25% joǵarylaıdy. Kómir óndirýdiń óndiristik ózindik quny 12%  tómendeıdi jáne vagondar aınalymynyń ortasha ýaqyty 14,3 saǵattan 5,4 saǵatqa deıin qysqarady. Sonymen qatar jobada eki konveıerlik jeli qurylysy qarastyrylǵan. Olar 2020 - 2022 jyldary 2 kezeńmen iske asyrylady.

Árıne, atalmysh joba elimiz úshin asa mańyzdy bolyp sanalady. Ol taý-ken ónerkásibinde jáne karerlerdi qazýda júzege asyrylady. Joba ken ornyn odan ári damytýǵa yqpal etedi, sondaı-aq kómir eksporty esebinen ózara saýda kólemin ulǵaıtýdy kózdeıdi jáne memleketterdiń ózara óndiristik yntymaqtastyǵyn qoldaıdy. Qurylys jáne odan ári paıdalaný kezeńinde kómir ónimin óndirýdi ulǵaıtýǵa yqpal etedi.

Budan basqa, jańa biregeı jabdyqtar men energetıkalyq kómir óndirý tehnologııasy engizilýde. Bul ınnovasııalyq quramdas bólikti aıqyndap, razrezder ishinde tuqymdy ornalastyrý josparyna baılanysty óndirýdiń qorshaǵan ortaǵa teris áserin azaıtýdy kózdeıdi. Sondaı-aq sheteldik qarjy ınstıtýttarynyń qarajaty tartylatynyn atap ótken jón. Jobanyń halyqaralyq deńgeıde mańyzdylyǵyn arttyrady, halyqaralyq bank tájirıbesine saı bolyp, kúrdeli jáne iri mámileler boıynsha EADB quzyretin arttyrýǵa yqpal etedi.

Jalpy, jobany tabysty iske asyrý Pavlodar oblysy halqynyń tabys deńgeıin, ómir súrý sapasyn jáne eńbek jaǵdaılaryn arttyrýǵa, barlyq deńgeıdegi bıýdjetke salyq tólemderiniń artýyna yqpal etetin bolady. Osylaısha, jobany iske asyrý Qazaqstan ekonomıkasy úshin oń nátıje berip qana qoımaı, aldaǵy ýaqytta Eýrazııalyq keńistiktegi elder ekonomıkasynyń saýda áleýetin keńeıtýge jol ashady.

 

Sońǵy jańalyqtar

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Kooperatıv kópke kerek

Aımaqtar • Búgin, 10:39

Nur-Sultanda eki jańa kópir ashylady

Aımaqtar • Búgin, 09:57

Joldybaıdaǵy jol jóndelmeı tur

Aımaqtar • Búgin, 09:49

Uqsas jańalyqtar