Álem • 13 Mamyr, 2020

Muhtar Tileýberdi ShYU Syrtqy ister mınıstrleri keńesine qatysty

12 retkórsetildi

Qazaqstan Syrtqy ister mınıstri Muhtar Tileýberdi Shanhaı yntymaqtastyq uıymyna múshe-memleketteriniń Syrtqy ister mınıstrleri keńesiniń kezekten tys otyrysyna qatysty. Atalǵan is-shara beınekonferensııa formatynda Reseı Federasııasynyń tóraǵalyǵymen ótti. Bul týraly SIM baspasóz qyzmeti habarlady.

Is-shara barysynda syrtqysaıası vedomstvolarynyń basshylary, sondaı-aq ShYU Bas hatshysy jáne ShYU О́ńirlik terrorızmge qarsy qurylymy Atqarýshy komıtetiniń dırektory halyqaralyq jáne aımaqtyq kún tártibiniń asa ózekti máseleleri, sondaı-aq jańa koronavırýs indetiniń pandemııasy jaǵdaıyndaǵy ShYU-ǵa múshe-memleketterdiń yntymaqtastyǵy boıynsha pikir almasty.

Úndistan, Qazaqstan, Qytaı, Qyrǵyzstan, Pákistan, Reseı, Tájikstan jáne О́zbekstan syrtqy ister mınıstrleri jańa ahýaldaǵy saýda-ekonomıkalyq saladaǵy ózara árekettesý máselelerin jáne Uıymnyń halyqaralyq qyzmetin qarastyrdy. Budan basqa 2020 jylǵy shilde aıynda ótetin ShYU-ǵa múshe-memleketterdiń basshylary Keńesiniń otyrysyna daıyndyq barysy, sonymen qatar Uıymnyń aǵymdaǵy qyzmeti boıynsha basqa da sheshimder talqylandy.

Otyrystyń nátıjesi boıynsha ShYU múshe-memleketteri syrtqy ister mınıstrleriniń COVID-19 pandemııasyna baılanysty málimdemesi qabyldandy. Atap aıtqanda halyqtyń sanıtarlyq-epıdemııalyq saýlyǵyn qamtamasyz etýdegi ár memlekettiń róli men jaýapkershiligi, sondaı-aq pandemııamen kúres batyl, kelisilgen jáne kópjaqty ınklıýzıvti sharalardyń talap etetindigi aıtyldy.

Mınıstrler ShYU-nyń Dúnıejúzilik densaýlyq saqtaý uıymy, basqa da halyqaralyq uıymdar jáne birlestiktermen koronavırýs indetimen kúresýdegi ózara tıimdi árekettesýin quptady.

 
Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Nurbank 20 mlrd teńgege kapıtaldandyryldy

Ekonomıka • Búgin, 15:29

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar