Aımaqtar • 13 Mamyr, 2020

Apatty mektep pen tozǵan buıym máselesi ózekti bolyp tur

19 retkórsetildi

Osy ýaqytqa deıin Jambyl oblysynda ákimder men bilim salasynyń basshylary esep bergende óńirdegi apatty mektepterdiń máselesi bir-eki jylda tolyǵymen sheshiletinin aıtatyn edi. Biraq, bir-eki jyl emes, birneshe jylǵa jalǵasyp kele jatqan bilim oshaqtarynyń máselesiniń tolyq sheshilýine áli biraz jyl kerek sııaqty. Árıne, oǵan qarjy kerek, ýaqyt kerek. Biraq, bir anyǵy búginde osy apatty mektepter máselesi óńirdegi ózekti máseleniń biri ári bul jýyq arada sheshimin taba qoıatyn da másele emes.

Jambyl oblystyq bilim basqarmasynyń málimetinshe, óńirde 442 mektep bar bolsa, búginde onyń 5-eýi apattyq jaǵdaıda eken. Atalǵan máseleni sheshý maqsatynda byltyrǵy jyldan bastap Qordaı aýdanynda bir jáne Shý aýdanynda eki mekteptiń qurylysy júrgizilýde. Alaıda, oblystyq bilim basqarmasynyń basshysy Gúlnar Hodjabergenovanyń aıtýynsha, bul nysandardyń keler oqý jylynyń basynda ashylýy ekitalaı eken. Sebebi, kúni búginge deıin atalǵan aýdandarda jumystyń 15 paıyzy ǵana oryndalǵan. Biraq, bul másele boıynsha Jambyl oblysynyń ákimi Berdibek Saparbaevtyń tóraǵalyǵymen ótken jıynda Qordaı aýdanynyń ákimi Rústem Dáýlet pen Shý aýdanynyń ákimi Jarylqasyn Aıtaqov atalǵan jumystardyń belgilengen merzimde oryndalatynyn aıtqan bolatyn. Ákimder ýáde bergenimen, bilim basqarmasy basshysynyń da ýáji negizsiz emes sııaqty. Sebebi, bilim oshaqtary aǵymdaǵy jylǵy qyrkúıek aıyna, ıaǵnı jańa oqý jylyna deıin berilýi kerek. Máselen, Shý aýdany ákiminiń orynbasary Nurlan Jaqsybaevtyń aıtýynsha, qazirgi kezde aýdannyń Alǵa jáne Birlikústem aýyldarynda árqaısysy 300 oryndyq mektepterdiń qurylysy júrgizilýde eken. Ákimniń orynbasary bilim basqarmasynyń basshysy aıtqandaı, jumystyń 15 emes, 25 paıyzynyń bitkenin, aldaǵy ýaqyttarda jumys júrgizilip, bilim oshaǵy bıyl paıdalanýǵa beriletinin jetkizdi. Máselen, jergilikti ákimdik aýdandaǵy bir mektepti qyrkúıek, al ekinshi mektepti qazan aıynda paıdalanýǵa berýdi josparlap otyr eken. Al, Qordaı aýdanynyń Kúnbatys aýylynda 150 oryndyq bilim nysany salynýda. Aýdan ákiminiń orynbasary Beıqut Jamangózov te atalǵan bilim oshaǵynyń jańa oqý jylyna deıin aıaqtalatynyn aıtty. Endi oblystaǵy qalǵan eki apatty mekteptiń máselesi kelesi jylǵa ótip otyr. Apatty mektepter máselesi óńirde jyldan jylǵa osylaı jalǵasyp keledi.

Sol sııaqty Jambyl oblysynda úsh aýysymdy 9 mektep bar. Gúlnar Hodjabergenovanyń aıtýynsha, úsh aýysymdy mektepterge kelesi 2021 jyly aıryqsha basymdyq beriledi. Tek qazirgi kezde Taraz qalasyndaǵy №1 gımnazııaǵa 300 oryndyq japsarlas qurylys salý jumystary qolǵa alynǵan. Kelesi jyly birden úsh aýysymdy 6 mekteptiń  máselesi sheshiledi dep kútilýde. «2021 jyly 6 mekteptiń, 2022 jyly 2 mekteptiń máselesin sheshý josparda bar. Oqýshylardyń oryn tapshylyǵy 8 mektepte bar. 2020 jyly 5 mekteptegi oryn tapshylyǵy máselesi 4 mekteptiń qurylysyn aıaqtaý arqyly sheshiledi. Qalǵan 3 mekteptegi oqýshy ornynyń tapshylyǵy máselesi kelesi jyly jańa qurylys esebinen sheshiletin bolady», deıdi Gúlnar Hodjabergenova. Apatty jáne úsh aýysymdy mektepterdiń jaǵdaıynan bólek, shyny kerek, búginde óńirdegi bilim oshaqtaryndaǵy jıhazdardyń da tozyǵy jetken. «Aqyl azbaıdy, bilim tozbaıdy» desek te, buıymnyń da tozatyn, eskiretin ýaqyty bolady. Qazirgideı bilim salasyna erekshe kóńil bólinip, el jańashyldyqqa umtylyp jatqanda Jambyl óńiriniń kóptegen mektepterinde jıhaz máselesine kóńil bólinbeý de búgingi ózekti máseleniń biri bolyp otyr. Máselen, bilim oshaqtaryndaǵy 32 268 parta, 3593 taqta, 5634 shkaf aýystyrýdy qajet etedi eken. Barlyq 41 495 myń mektep jıhazdaryn aýystyrý úshin 749 mıllıon 335 myń teńge kerek. Sol sııaqty, Gúlnar Hodjabergenovanyń aıtýynsha, aǵymdaǵy jyly oblysta 42 mektep kúrdeli jóndeýden ótetin bolsa, atalǵan mektepterdiń jıhazdaryn jańadan alý úshin 120 mıllıon, 788 myń teńge kerek. Sonymen qatar, oblystaǵy qosymsha 106 mektepke kúrdeli jóndeý jumystary qajet bolsa, Taraz qalasyndaǵy jáne Baızaq, Merki aýdandaryndaǵy 6 mektepti kúrdeli jóndeý tıimsiz bolǵandyqtan, jańa bilim nysanyn salý kerek eken.

Balalardyń qaýipsizdigi qaı kezde de mańyzdy. О́tken jyly Taraz qalasyndaǵy oqýshy qyzdyń zorlanǵan jantúrshigerlik oqıǵasynan keıin qoǵamda ájethanalardy mektepterdiń ishine kóshirý máseleleri kóterilgen bolatyn. Jalpy, qazirgi kezde óńirdiń aýdan, aýyldaryna deıin qaýipsizdik máselelerin qatań saqtaýdy kúsheıtý qajettigi jıi aıtylady. Berdibek Saparbaev ta jabdyqtalǵan dárethanalar men beınekameralardyń jıyntyǵy árbir mektepte bolýy kerek ekenin, bul Úkimettiń tapsyrmasy ekenin de qadap aıtqan edi. Tipti, oqý oryndarynyń syrtqy kórinisin, qorshaýlaryn retke keltirip, irgeles jatqan aýmaqty abattandyrýǵa den qoıǵan durys ekenin de eskertken. Bilim basqarmasynyń málimetinshe, sanıtarlyq toraptarǵa 285 qajettilik bar bolsa, onyń 127-sine «Jumyspen qamtýdyń jol kartasy» arqyly, al 158-ine jergilikti bıýdjet arqyly qarjy bólingen. «Búgingi kúni 31 mekteptiń ájethanalaryn ǵımarat ishine kirgizý jumystary aıaqtalsa, 254 mektepke aǵymdaǵy jóndeý jumystary júrgizilýde. Jalpy, oblystaǵy mektepter jańa oqý jylyna deıin sanıtarlyq toraptarmen 100 paıyz qamtylatyn bolady», deıdi basqarma basshysy.

Búginde oblystyń bilim salasyna laıyqty qoldaý kórsetilýde desek te, týyndap otyrǵan túrli máselelerdi der kezinde sheshý de salanyń damýyna yqpal etedi. Apatty mektepterdi joıý úshin jyl saıyn qoıylyp kele jatqan bir-eki jyldyq meje de osy kórsetkishpen toqtap, bilim salasyndaǵy máseleler oń sheshimin tapsa degen oı bar.

 

Jambyl oblysy

 

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar