Qoǵam • 14 Mamyr, 2020

Áskerıler Maqtaaralda qyzmet etip júr

77 retkórsetildi

«Jut jeti aǵaıyndy» deıdi halqymyz, álemdi jáne elimizdi jaılaǵan koronavırýs pandemııasy kezinde tabıǵattyń tosyn syıyna da kýá boldyq. Sáýir aıynda teriskeıdegi Qostanaı óńirinde qarly boran beleń alsa, shyǵysymyzda orman órti qaýlady. Endi, mine, kórshi О́zbekstanda sý qoımasy jarylyp, elimizdiń ońtústigindegi Maqtaaral aýdanynyń birneshe eldi mekenin sý basty. On kún boıy oqıǵa ornynda jergilikti atqarýshy bılik, tártip saqshylary men qutqarýshylar aıanbaı eńbek etip, turǵyndardyń tezirek úılerine oralýyna barynsha jaǵdaı jasap jatyr. Kóppen birge kómekke kelgenderdiń arasynda Ulttyq ulan jaýyngerleri de bar.

Sýretti túsirgen Dýman QURMANǴALIEV

Qutqarýshy batalon kómekke keldi

Qazirgi ýaqytta ulandyqtar tótenshe jaǵdaı ornynda eki baǵyt boıynsha qyzmet atqa­rý­da. Birinshisi – tótenshe oqı­ǵa­nyń saldaryn joıý bolsa, ekin­shi­si oqıǵa ornynda qu­qyq­­tyq tártipti, karantındik rejim­di qam­tamasyz etý. Búgingi kúni osy min­detterdi atqarýǵa 500-den asa ás­kerı qyzmetshi oqıǵa or­nyna tar­tyldy.

Ulttyq ulan tótenshe jaǵdaı saldaryn joıý basqarmasynyń bastyǵy polkovnık Árlen Búr­kit­baıdyń aıtýynsha, Maq­ta­ar­al aýdanynda bes eldi meken áli kúnge deıin sý astynda. 1 myń­nan asa úıdi sý basqan. 10 evakýa­sııa­lyq pýnkt ornatylǵan. Onda 3 myńnan asa turǵyn turyp jatyr. Qutqarý qyzmetiniń ma­man­darymen birge ulandyq jaýyn­gerler 15 myńnan asa úı janýarlaryn qaýipsiz jerge kó­shirdi. О́rgebas, Jantaqsaı, Ferdaýsı, Yrysty, Nurlyjol aýyldarynyń aýmaǵynda 22 shaqyrym ýaqytsha bógetter sa­lynyp, qum toltyrylǵan 10 myńǵa jýyq qap qoıyldy. 6122599 tekshe metr sý syrtqa shy­ǵaryldy. Munyń barlyǵy ulan­dyq qutqarýshylardyń osy ýaqytqa deıin jasaǵan eren eńbekteri. Oqıǵa ornyna Ulttyq ulannyń 28237 áske­rı bóliminiń qutqarýshy batal­o­ny barǵan bolatyn. 160-tan asa jeke quram, 15 dana qut­qarý tehnıkasy men 4 júzý quraly bar batalon sý tartyl­ǵan aýyl­darda tótenshe oqıǵanyń saldarymen kúresýde. Úsh topqa bólingen ulandyq qutqa­rý­shy­lar: sý astynda qalǵan tórt túlik janýarlardyń denesin shy­ǵarý; ony ári qaraı qaýipsiz jerlerge kómý; topyraq pen saz balshyqtan eldi mekendi taza­laý; aǵyn sýdy shetke shyǵa­rý ju­mystaryn atqarýda. Qut­qa­rýshylardyń sózine sensek, alda­ǵy bir aptada oqıǵa saldaryn joıý jumystary aıaqtalmaq.

Sondaı-aq turǵyndarǵa psı­ho­­logııalyq kómek kórsetý men qoǵamdyq tártipti qamta­masyz etý jumystary jal­ǵa­sýda. Osy ýaqytqa deıin qo­ǵam­dyq tártip pen qaýip­siz­dik­ti qamtamasyz etý jónindegi jaýyngerlik qyz­met boıynsha 21 tapsyrma oryndaldy. Búginde eldi meken­der­diń janynda tórt blok-be­ket­te ulandyq jaýyngerler qy­raǵy qyzmet atqarýda. Kúnine 270-ten asa áskerı qyzmetshi pat­rýldik-bekettik qyzmetke ju­myldyrylady.

 

Tártip buzǵandardy ustap, órtti aýyzdyqtady

Ulandyqtar qyzmet bary­syn­da turǵyndarǵa kómek kórsetý kezinde 9 márte erek­she­lenip, kózge tústi. Oǵan 6 ma­myr­da saǵat túngi saǵat 01.30 sha­masynda Túrkistan oblysy, Maq­taaral aýdany, О́rgebas aýy­lyn­da oryn alǵan qyraǵylyq úlgisi sózimizge dálel.

Osy túni О́rgebas aýylynyń qasyndaǵy shep-beketterde qu­qyq­tyq tártip kúzetindegi Ult­tyq ulan jaýyngerleri zań­syz balyq ustaǵandardy qolǵa tú­sirgen.

Aýyl mańynda tosqaýyl qyzmetinde turǵan áskerı jasaq bastyǵy qatardaǵy Qýanysh Dúısenbi jáne patrýldeýshi qa­tardaǵy Baqdáýlet Jal­ma­ǵan­betov qastaryna kelgen kó­lik­ti toqtatady. Osyǵan deıin О́rge­bas aýylynda zańsyz balyq aýlaýshylar júrýi múmkin degen aqparat túsken bolatyn. Ulandyq jaýyngerler «OPEL» markili avtokólikti toqtatady. Tekserý barysynda kóliktegiler «Biz volonterlermiz» dep sózden jaltarmaqshy bolypty. Keıin júrgizýshi ashýlanyp, aıqaıǵa basady. Ulandyq jaýyngerler kóliktiń júk qoımasyn ashqy­za­dy. Sol kezde túndeletip júrgen jolaýshylardyń qıtur­qy oıy anyqtalady.

Tekserý nátıjesinde kólik­ten Qyzyl kitapqa engi­zil­gen eki qap balyq, rezeńke qaıyq, uzyn­dy­ǵy 50 metrdi quraıtyn aý tabylady. Áskerı jasaq qolǵa tús­ken brakonerlerdi polısııa qyz­metkerlerine tapsyrdy.

Ulttyq ulan jaýyngerleri sý basqan aýyldarda qoǵamdyq tártip pen qaýipsizdikti qam­ta­ma­syz etý boıynsha qyzmetti úsh aýysym boıynsha júrgizip kele­di. Ol týraly jedel áskerı top basshysynyń tárbıe jáne áleý­mettik-quqyqtyq jumystar jónindegi orynbasary kapıtan Saıat Saınov baıandady.

– 5 mamyr saǵat túngi 3.30 sha­masynda áskerı jasaq bas­tyǵy serjant Bekbolat Shoı­be­kov Shanov kóshesimen óz baǵy­tyn­da patrýldeý barysynda 5 adam júrgenin baıqaǵan. Olar karantın rejimin buzǵany jáne kúdik týdyrǵany úshin ás­kerı jasaq bastyǵy daýys­tap toqtaýlaryn suraǵan. Tártip buzý­shylar ol eskertýine qulaq aspaı qasha jónelgen. Áske­rı jasaq bastyǵy kórshiles jasaq­qa radıostansa arqyly habar­lap qashý baǵytyn baıandaıdy. Áskerı jasaq bastyǵy serjant Aıdos Nurmanov tártip buzýshylardyń aldyn bógep, áskerı jasaq olardy qolǵa túsiredi. Oqıǵa ornyna áskerı jasaqtar boıynsha kezekshi aǵa leıtenant Serik Qudaıbergenov jáne polısııa qyzmetkeri kelip, tártip buzýshylardy anyqtaý úshin aýdandyq IIB jetkizdi. Tártip buzýshylar osy aýyldyń bozbalalary ekeni anyqtaldy. Eń qyzyǵy, olar bos úılerdiń mańynda ne úshin júrgenderin túsindire almaǵan. Olarǵa karantın rejimin buzbaý týraly eskertý jasalyp, ata-analaryna tapsyryldy, – deıdi S.Saınov.

Dál sol kúni saǵat tańǵy 5 sha­­masynda maıor Zafar Haıt­metov bastaǵan jedel top ja­ýyn­­gerlik qyzmettiń uıym­das­tyrylýyn tekserý barysyn­da K.Marks kóshesinde ornalasqan úılerdiń bireýinde ja­rylys bolǵanyn estıdi. Oqı­ǵa ornyna barǵanda, órtenip jatqan úıdi baıqaǵan sardar dereý áskerı jasaqtar boıynsha kezekshi aǵa leıtenant Serik Qudaıbergenovti shaqyrady. Ol óz kezeginde ýchaskelik polısııa pýnktine jáne órt sóndirý bólimine habarlap, jaqyn mań­da­­ǵy eki jasaqty oqıǵa ornyna jumyldyryp oqshaýlaýdy uıym­dastyrǵan. Ulandyqtar oqıǵa ornyna kelgen polısııa jáne órt sóndirý bóliminiń qyz­metkerlerimen birlese otyryp, alapat órtti aýyzdyqtap, adamdar men baǵaly zattardy qaýipsiz orynǵa shyǵarǵan.

 

Jedel járdem kórsetti

Ulandyq jaýyngerler ka­ran­tındik sharalardy, qu­qyq­­tyq tártipti qamtamasyz etý­men qatar, turǵyndarǵa medı­sı­nalyq kómek kórsetip te úlgeripti. Qyzmet atqaryp júr­gen áskerı jasaq qan qysymy kóterilip, esinen tanǵan adamdy ýaqtyly baıqap, jedel me­dısınalyq járdem kelgenshe alǵashqy kómek kórsetken. Leı­te­nant Abylaıhan Fazyl­ha­nov, qatardaǵy Erasyl Aıt­baı jáne sanıtarlyq aǵa nus­qaý­shy efreıtor Abylaıhan Aqpanbetovter aqsaqaldyń alǵysyn aldy.

 – О́zim Myrzakenttiń tur­ǵy­ny­myn. Kóp jyldan beri osynda turamyn. Azdap syrqattanyp qalatynym bar edi. Bul joly tipten nashar halge tústim. Aýy­ly­myzdy sý basyp, múlkimiz sý atynda qalǵan edi. Mal-jaı bar­lyǵy joǵaldy. Osyny oılap ýaıymdaǵanym sonshalyq, qan qysymym kóterilip ketipti. Qýanyshyma oraı, ulandyq jaýyngerler qasymnan tabyldy. Áıtpese osynda otyrar-otyrmasym ekitalaı edi. Dúnıe baılyǵy emes, adam ómiri, el yntymaǵy mańyzdy eken. Sarbazdar maǵan osyny uǵyndyrdy. Olarǵa alǵysym sheksiz, – deıdi aýyl aqsaqaly Edýard Kım.

Bul turǵydan kelgende 28237 áskerı bóliminiń jaýyn­gerleri de qalys qalǵan joq. 1-shi qutqarý batalony koman­dıriniń tehnıka jáne materıaldyq qamtamasyz etý boıynsha orynbasary ma­ıor Baýyrjan Jumabekov jáne 2-shi qutqarý rotasynyń bólimshe komandıri qatardaǵy Baǵlan Nurı Jeńis aýylynyń qasynan tútindegen kólikti baıqaıdy. Sheteldik kólik ıesi tas jolmen kele jatqanda oıpatty jerge kóliktiń asty urylyp, mashı­nasy toqtap qalǵan eken. Tez arada kólikten tútin shyǵa­dy. Osy sátte ulandyq áskerı qyz­metshiler kelip, kóliktiń órtin sóndiredi. Batalon koman­dıriniń tárbıe jáne áleý­met­tik-quqyqtyq jumystar jó­nin­degi orynbasary kapıtan Abzal Elqondynyń aıtýynsha, kólikti jalyn áp-sátte sharpyǵan. Ony ýaqtyly toq­tat­pasa, kólik shyrpydaı janyp ketedi eken. Onyń ústine, atalǵan kólik gaz qon­dyr­ǵy­la­rymen qamtamasyz etilgen. Ja­rylysqa jol berilse, onyń sal­daryn alysqa barmaı-aq ba­ǵam­daýǵa bolar edi.

 Mine, baıqap tursaq Ulttyq ulan áskerı qyzmetkerleriniń qyzmeti qarymdy, rýhy ór, janarlary jalyndy. Tek, Otanǵa degen rııasyz súıispenshilik pen áskerı antqa degen sheksiz adaldyq elimizdi san túrli qa­ter­lerden alyp shyǵyp, bıik mejelerge jetkizedi. Eli­miz osyndaı qıyn-qystaý, qy­syl­­taıań kezeńde turǵanda júre­gin­de túgi, qolynda qýaty bar ulan­dyq­tardyń ýaqytyly kómegi eldi ólara sátten jaryqqa alyp shyǵa­tynyna senimdimiz.

 

Daryn SEIITOV,

kapıtan

Sońǵy jańalyqtar

Zańdy qaıta qaraý kerek

Saıasat • Búgin, 07:48

Ádilettilik jolymen

Pikir • Búgin, 07:46

Mańyzdy sheshim

Pikir • Búgin, 07:43

Táýelsizdik – eń qymbat qundylyq

Saıasat • Búgin, 07:37

Keleshegin kóre biletin el

Pikir • Búgin, 07:30

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

«Qazarhıv» basqarmasy qajet

Rýhanııat • Búgin, 06:52

Qazaqtyń qadirli edi qarııasy

Rýhanııat • Búgin, 06:50

Syrdaǵy eginniń sýsyz qalý qaýpi bar

Ekologııa • Búgin, 06:48

Eriktiler balalardy quttyqtady

Aımaqtar • Keshe

Uqsas jańalyqtar