Rýhanııat • 14 Mamyr, 2020

Biz áli de at ústindemiz

17 retkórsetildi

Qazaq jaýyngerleri HHI ǵa­syr­da da attan túsken joq. Baǵzy zamandarda batyr baba­la­ry­myzǵa serik bolǵan «er qanaty» búgin de sapta tur.

«Erim deıtin el bolmasa, elim deıtin er qaıdan bolsyn» deıdi dana halqymyz. Jyl sanap sarbazdardyń áleýeti de, ja­ýyn­­gerlik daıarlyǵy da artyp ke­ledi. Onyń barlyǵy Joǵarǵy Bas qolbasshymyz – Qazaqstan Pre­zı­dentiniń Qazaqstan áske­rin jetildirýge degen batyl qadam­da­ry­nyń, oń sheshimderiniń jemisi ekenin moıyndaýymyz qajet.

Yqylym zamandardan beri Alash áskeriniń qajyry men qaı­raty tulpar minip, Tý alǵan sar­bazdarynyń jigerimen ól­shen­gen edi. Bul erlik pen ór­lik­tiń osynaý HHI ǵasyrda da laıyqty sabaqtastyǵy bar. Oǵan dálel – «Ońtústik» óńirlik qol­bas­shy­ly­ǵy­na qarasty 91678 taý-egerlik áskerı polky.

Otan qorǵaý isine degen qyzy­ǵý­­shylyǵym bala kezden bastaý alady. О́zim Almaty obly­sy­nyń Talǵar aýdanyna qarasty Tuz­dy­bas­taý aýylynyń týmasymyn. Orta mektepti támamdaǵannan ke­ıin, 2013 jyly Almatydaǵy Qur­lyq áskerleriniń áskerı ınstıtýtyna qabyldanyp, ony 2017 jyly motoatqyshtar áskerleriniń komandalyq-taktıkasy biliktiligi boıynsha támamdadym. Oqýdy oıdaǵydaı aıaqtaǵan soń kúni bú­ginge deıin qyzmet etip kele jat­qan «Ońtústik» óńirlik qol­bas­shylyǵyn qarasty 91678 taý-egerlik áskerı polkyna jibe­ril­dim. Bul polktyń ereksheligi sol, sarbazdary atqa qonǵan mundaı polk TMD elderinde – jalǵyz! Polkta atty áskerdi qamtamasyz etý­ge qatysty barlyq jaǵdaı ja­sal­ǵan. Qambar ata tóline sarbazdar ózderi qaraıdy.

О́tken jyly Reseı, Qyr­ǵyz­stan, Mońǵolııa jáne Qazaqstan elderiniń jaýyngerleri baq synap, Mońǵolııada ótken «Araft» halyqaralyq atty ásker marafonyna qatystyq. Júldeli 2-orynǵa ıe boldyq. Keıin Qazaqstanǵa oral­ǵan soń, I dárejeli «El qor­ǵa­ny» medalimen marapattaldym.

Kúndelikti ómirde biz jaýyn­gerlik daıyndyqtardy júrgi­ze­miz. Oqý kestesine sáıkes atys, taktıkalyq sabaqtardy, jat­ty­ǵýlardy oryndaımyz. Al eli­mizde jarııalanǵan qa­zir­gi tó­tenshe jaǵdaı rejimi keze­ńin­de atty áskerlerimiz Taraz qala­­syndaǵy blok-beketterdi kúsheı­­týge jumyldyryldy. Qala aýma­ǵyn­da bas-aıaǵy jeti blok-beket bar. Ár beketke eki atty jaýynger beki­til­gen. Bul indet te aıaqtalar degen senimdemin.

 

Bekdaır TО́LEGENOV,

«Ońtústik» óńirlik qolbasshylyǵyna qarasty 91678 áskerı bóliminiń taý-egerlik rotasynyń komandıri, aǵa leıtenant

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar