Rýhanııat • 14 Mamyr, 2020

Muqtajdy demep, kórsetti kómek

24 retkórsetildi

«Biz birgemiz» aksııasy aıasynda muqtaj jandarǵa qaıyrym jasaý isi Almaty oblysynda tolastaǵan joq. Jaqynda osyndaı ıgi shara Kerbulaq aýdanynda jalǵasyp, kómek qajet etetin 200 otbasyǵa azyq-túlik paketteri taratyldy.

Qaıyrymdylyq aksııasynyń ótýine Nur Otan partııasy Almaty oblysy, Kerbulaq aýdandyq fılıa­ly men aýdan ákimdigi uıytqy boldy. Al Saryózek aýylynyń qaltaly azamattary jalpy sany 702 adamdy eń qajetti azyq-túlikpen qamtamasyz etti.

– Qaıyrym jasaý kezinde 5 tonna un, 2 tonna et, 1000 lıtr suıyq maı, 600 kg kúrish jáne 400 kg makaron ónimderi tegin taratyldy.Bul iske aýdan ortalyǵyndaǵy 25 kásipker bir kisideı jumyldy. Olar jalpy quny 6 mln teńgege jumsady. Al kómekke muqtaj otbasylar men qart turǵyndarǵa azyq-túlik jetkizip berýdi «Jas Otan» jastar qana­ty­nyń volonterleri moıyndaryna aldy. Mundaı ıgi is aýdanymyzda jalǵasyn taba bermek, – deıdi Kerbulaq aýdanynyń ákimi Mahabbat Bıgeldıev.

Jalpy, tótenshe jaǵdaı jarııalanǵaly beri Nur Otan partııasynyń Almaty oblystyq fılıalyna azyq-túlik máselesi boıynsha 4743 ótinish túsken. Onyń ishinde 3609 ótinish oń sheshimin tapqan. Al azamattardyń talap-tilegin qabyldaýǵa arnalǵan arnaıy koll-ortalyq nómirine 1850 azamat habarlasyp, kómek suraǵan eken. Osy kezeńde partııanyń muryndyq bolýymen 11 532 adamǵa jalpy quny 124 105 825 teńge bolatyn azyq-túlik paketteri jáne jeke gıgıena zattary, antıseptıkalyq quraldar, medısınalyq maska satyp alynyp, tegin taratylǵan. Al «Birgemiz» respýblıkalyq qorynan Taldyqorǵan qalasyndaǵy 3 361 muqtaj azamatqa kómek kórsetý úshin oblystyq «Birgemiz Jetisý» qoryna 168 050 000 teńge qarajat tústi. Kórsetilgen 7 sanat boıynsha Taldyqorǵan qalasynyń turǵyndary qarjylaı kómekti tolyǵymen aldy. Sonymen qatar ekinshi tolqyn boıynsha 7 sanatqa kiretin taǵy 6 551 muqtaj adamnyń tizimi ázirlengen eken.

Aıtpaqshy, Almaty oblysy turǵyndary aı sa­­­ıyn 111 tonnaǵa jýyq azyq-túlik taýaryn tutynady eken. Bul tizimde kún kóriske eń qajetti degen zattar túzilgen. Qýanyshtysy, oblysta suranysqa saı azyq-túlik qory jetkilikti. Qazir óńirde 193,1 myń tonna azyq-túlik qoımada saqtaýly turǵan kórinedi. El-jurtty qajetti taýarmen qamtýda oblystyń turaqtandyrý qorynan qarajat jetkilikti bólinip otyr. Osy aıda jalpy quny 26,8 mln teńge bolatyn 121,7 tonna taýar alynǵan. Onyń ishinde 94 tonna bıdaı uny, 27,7 tonna qant ákelindi.

Sondaı-aq aımaqta azyq-túliktiń 19 túri kiretin áleýmettik mańyzdy taýar baǵasynyń ósýine jol bermeý maqsatynda naqty is júzege asýda. Kásipkerlik jáne ındýstrııalyq-ınnovasııalyq damý basqarmasynyń habarlaýynsha, oblys ákiminiń tapsyrmasymen halyqty azyq-túlikpen jáne birinshi kezektegi qajettiliktermen úzdiksiz qamtamasyz etý úshin bıýdjetten qosymsha 2 mlrd teńge bólingen. Sonyń 1 mlrd teńgesi áleýmettik mańyzdaǵy azyq-túlik taýarlaryn satyp alý ıntervensııasyn júrgizýge, taǵy 1 mlrd teńgesi kásipkerlik sýbektilerine zaımdar berý úshin qarastyrylǵan eken. Bólingen qarjyǵa qosymsha 5,9 myń tonna un, 100 tonna kúrish, 20 tonna jarma ónimderi, 5 myń lıtr kúnbaǵys maıy, 1000 tonna qant, 200 tonna kartop, 100 tonna pııaz ben 1 tonna tuz satyp alý josparlanyp otyr.

 

Almaty oblysy

 

Sońǵy jańalyqtar

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

«Qazarhıv» basqarmasy qajet

Rýhanııat • Búgin, 06:52

Ár aýyl­dyń óz «Groz­nyıy» bolǵan

Rýhanııat • Búgin, 06:50

Táýelsizdik – eń qymbat qundylyq

Saıasat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Maýsym shildede jalǵasady

Sport • Búgin, 06:40

Jarys sátsiz bastaldy

Tennıs • Búgin, 06:40

Uqsas jańalyqtar