Rýhanııat • 14 Mamyr, 2020

110 jastaǵy Amanbala áje

161 retkórsetildi

Adal eńbektiń arda­gerleri áli de aramyz­da bar. El jappaı taǵdyr taýqymetin tart­qan kezeńde tylda eń­bek etip, tabandylyq ta­nytqan qaısar jandardy qurmetteýge ábden laıyq. Er-azamattar maı­danǵa ketip, aýylda qa­rııalar men bala-shaǵa ǵana qalǵan ýaqytta aýyr júktiń bári de áıelderdiń názik ıyǵyna tústi. Olar erlerge tán minezben aýytrpalyqtyń bárin kótere bildi. Sondaı jannyń biri – búginde 110 jasqa jetip otyrǵan Amanbala Amanjolova.

Amanbala áje Sarysý aýdany, Jaılaýkól aýylynyń turǵyny. Ǵasyrdan astam ómir súrgen keıýana tirlikte talaı qıyndyqty kórse de, moıymaǵan jan. Talaı jyl tylda eńbek etedi. Sovhozda saqmanshy bolyp, qoı qyrqyp, mal sharýashylyǵyna aralasady. Soǵys jyldary soqa aıdap, bıdaı oryp, shóp shaýyp, beınetti tirlik keshedi. Sol bir qıyn kúnderdi tebirenispen eske alǵan Amanbala áje endi so­ǵystyń bolmaýyn ti­leıdi. Búgingi jastarǵa eńbek etý­di, adal mal tabýdy ósıet etedi. «Qudaıdyń bergen baqyty – júz onynshy kóktemimdi qarsy alyp otyrmyn. Osy kúnime shúkir. Adam balasynyń basty armany – urpaq ósirý ǵoı. Ata-analyq pa­ry­zymyzdy adal atqardyq dep oılaımyn», deıdi keıýana.

Amanbala áje 1910 jyly qań­tar aıynda Saryarqa jerinde dúnıege kelipti. Sonaý qıyn-qys­taý jyldary Arqadan Áý­lıeata jerine qaraı aǵylǵan halyq­tyń arasynda qarshadaı qyz Aman­bala da bolady. So­dan kóp­pen birge búgingi Sarysý aýdanynyń aýmaǵyna turaqtaıdy. 1928 jyly osy aýdannyń qurylýyna atsalysady. «Tarıhymyzdaǵy sol bir qaraly kúnderdi dushpanyma da tilemeımin. Ashtyqtan bu­ra­tylǵan el ne kórmedi? Jol bo­ıy talaı adam ashtyqtan kóz jum­dy. Bárin kózimiz kórdi», deı­­di Amanbala áje. Taǵdyrdyń ja­zýymen 1926 jyly Baltabaı Aman­jolov ekeýi shańyraq kó­teredi. Jańadan otaý qurǵan jas jubaılar sol kezeńdegi ashar­shy­lyq, qyzyl qyrǵyn, soǵys sııaqty aýyrtpalyqtardy birge kórip, bastan ótkeredi. Joldasy maıdanǵa attanady. Taǵdyr sal­ǵan aýyrtpalyqtyń bárin sabyr­men jeńip, eńbekpen eseıgen ar­daq­ty áje 11 balany dúnıege áke­­lipti. Búginde jaryq dúnıede qal­ǵan 5 balasynan órgen nemere, shóbereleriniń amandyǵyn ti­lep otyrǵan ónegeli jan. Aman­bala Amanjolovaǵa tyldaǵy, sov­hoz­daǵy uzaq jylǵy eńbegi úshin Sarysý aýdanynyń Qurmetti aza­maty ataǵy berilgen eken. Taǵ­dyrǵa da, elge de rıza keıýana tá­ýel­sizdiktiń máńgilik bolýyn, jas­­tar­dyń amandyǵyn tileıdi.

 

Jambyl oblysy

 

Sońǵy jańalyqtar

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Uqsas jańalyqtar