Qoǵam • 14 Mamyr, 2020

Qoldaný merzimi ótken qujattar 10 shildege deıin jaramdy

17 retkórsetildi

Jaramdylyq merzimi TJ kezinde ótken qujattardy aýystyrý bıyl 10 shildege deıin aıyppul sanksııalarynsyz júzege asyrylatyn bolady. Bul týraly IIM habarlady.

Elimizde tótenshe jaǵdaı rejımin engizgennen keıin HQKO jumysy 26 naýryzdan bastap toqtatyldy jáne birqatar memlekettik qyzmetter, onyń ishinde jeke basty kýálandyratyn kýálikterdi qaıta rásimdeý boıynsha qyzmetter kórsetilmedi.

Tótenshe jaǵdaıdy engizý fors-majorlyq jaǵdaı dep sanalǵandyqtan Qazaqstan Respýblıkasynyń Úkimeti azamattardyń keıbir qujattaryn jaramdy dep taný týraly qaýly qabyldady:

1) «Jeke basty kýálandyratyn qujattar týraly» Qazaqstan Respýblıkasy Zańynyń 6-babynda kórsetilgen jeke basyn kýálandyratyn qujattar;

2) júrgizýshi kýálikteri, onyń ishinde mindetti tehnıkalyq baıqaýdan ótý týraly ýaqytsha kýálikter;

3) azamattyq jáne qyzmettik qarý jáne onyń patrondaryn satyp alýǵa, saqtaýǵa jáne alyp júrýge ruqsattar;

4) kirýge jáne ketýge arnalǵan ruqsattar (vızalar), Qazaqstan Respýblıkasynda ýaqytsha jáne turaqty turýǵa arnalǵan ruqsattar, eńbekshi kóship kelýshige jáne sheteldik jumys kúshin tartýǵa jumys berýshige ruqsattar, pana izdeýshi adamnyń kýáligi.

Jaramdylyq merzimi tótenshe jaǵdaı kezeńinde ótken joǵaryda kórsetilgen qujattar tótenshe jaǵdaı joıylǵan kúnnen bastap kúntizbelik alpys kún ishinde, ıaǵnı bıyl 10 shildege deıin jaramdy dep tanylady.

Tótenshe jaǵdaı rejımi kezeńinde jáne ol aıaqtalǵan kúninen bastap kúntizbelik 60 kún ishinde on alty jasqa tolǵan jáne jeke basty kýálandyratyn qujat almaǵan azamattar úshin týý týraly kýálik nemese Qazaqstan Respýblıkasy azamatynyń pasporty kórsetilgen kezeńde jeke basyn kýálandyratyn negizgi qujat bolyp tabylady.

Sońǵy jańalyqtar

Júzdegen turǵynǵa jumys tabyldy

Aımaqtar • Búgin, 12:44

Uqsas jańalyqtar