Qazaqstan • 14 Mamyr, 2020

Baýyrjan Baıbek Maqtaaral aýdanyna bardy

36 retkórsetildi

Nur Otan partııasy Tóraǵasynyń birinshi orynbasary Baýyrjan Baıbek Túrkistan oblysynyń Maqtaaral aýdanyna bardy. Bul týraly ol Facebook paraqshasynda jazdy.

«Elbasy, partııamyzdyń lıderi Nursultan Nazarbaevtyń tapsyrmasy boıynsha Túrkistan oblysynyń Maqtaaral aýdanyna arnaıy kelip, apat aýqymyn óz kózimmen kórip shyqtym. Júrgizilip jatqan qaıta qalpyna keltirý jumystarymen tanystym. Kórshiles О́zbekstandaǵy sý bógetiniń jarylýy saldarynan sý astynda qalǵan Dostyq, Jeńis, Fırdoýsı, Jańaturmys jáne О́rgebas aýyldarynyń turǵyndarymen kezdestim. Tótenshe jaǵdaıdyń kesirinen myńnan astam úı buzylyp, 8 myń gektar egis alqabyn sý basqan.

«Apat aıtyp kelmeıdi» deıdi halqymyz. Maqtaral jurtynyń basyna túsken qıyndyq elge ortaq. Eń bastysy, bas aman bolsyn.

Qazir memleket tarapynan barlyq qajetti kómek kórsetilip, sý tasqyny saldaryn joıý jumystary júrgizilýde. El Prezıdenti Qasym-Jomart Toqaev atap kórsetkendeı, sý tasqynynan zardap shekken turǵyndar tolyqtaı qaıta jóndeýden ótken nemese jańa salynǵan úılermen qamtamasyz etiledi. Sý basqan aımaqtaǵy árbir adam respýblıka bıýdjetinen 100 myń teńgeden aqsha alady. Áleýmettik nysandardy, ınjenerlik jeliler men joldardy qalpyna keltirýge 14 mıllıard teńgeden asa qarajat bólindi.

Memleket basshysynyń úndeýine qoldaý bildirgen qazaqstandyq kásipkerler de 5 mlrd. teńgeden astam qarajat aýdardy. Bul ortaq iske «Nur Otan» partııasy da qyzý atsalysýda. Nurotandyqtar Maqtaaraldaǵy halyqqa qazirdiń ózinde 920 tonnadan astam gýmanıtarlyq kómek jiberdi, onyń ishinde azyq-túlik, gıgıenalyq quraldar, kıim-keshek, tósek-oryn men qurylys jabdyqtary bar.

Elbasynyń bastamasy boıynsha Tuńǵysh Prezıdent Qory men «Nur Otan» partııasy qurǵan «Birgemiz» qory da qosymsha kómek kórsetedi. Osyǵan oraı Qordyń Qamqorshylyq keńesi Myrzakent eldi mekenine 20 úı turǵyzý úshin 340 mln. teńge bólý týraly sheshim qabyldady. Osylaısha Dostyq aýyly turǵyndarynyń baspana máselesi tolyqtaı sheshiletin bolady. Oblys ákimi О́.Shókeevpen birge bólingen jerdi qarap, turǵyndarmen jáne qurylysshylarmen kezdestim. Bul jerde saman úılerdiń ornyna gazobloktan 100 sharshy metrdi quraıtyn 4 bólmeli úıler salynady. Jumys sapasy avtorlyq jáne tehnıkalyq baqylaý salasyndaǵy mamandardyń qatysýymen, erekshe partııalyq baqylaýda bolady.

«Jumyla kótergen júk jeńil» degendeı, birlesip tirlik qylsaq, sheshilmeıtin másele qalmaıdy.

Sonymen birge sapar barysynda jedel shtab otyrysyn ótkizdik. Munda birqatar ózekti máselelerdi, onyń ishinde ınfraqurylymdardy sapaly túrde qalpyna keltirý, aýyl sharýashylyǵy eńbekkerlerine qoldaý kórsetý jáne taǵy basqa jáıtterdi talqyladyq.

Atakent aýylynda volonterlarmen kezdestim. О́tken jyly 700-den astam jasotandyq birneshe aı boıy Arys qalasyn qalpyna keltirý jumystaryna belsene atsalysqan bolatyn. Búgin de «Nur Otan» partııasy jastar qanatynyń músheleri men belsendileri maqtaaraldyqtarǵa kómektesip jatyr.

Volonterlik – Batysta paıda bolǵan qozǵalys jáne bizge eshqandaı qatysy joq degen pikirdi estip júrmiz. Biraq bul bizge jat emes. Asar dástúri qazaqtyń qanynda bar. Osy ıgi dástúrdi bizdiń jastarymyz jaqsy jalǵastyryp otyr.

Bul jastarǵa osyndaı qıyn kezeńde elmen birge bolyp, óz erikterimen jankeshti eńbek etip júrgenderi úshin alǵys aıttym. Olar ózderiniń naqty isterimen otanshyldyqtyń, uıymshyldyq pen adamgershiliktiń úlgisin kórsetip júr. Mine, dál osyndaı jaýapkershiligi mol jańa býynnyń ókilderi aldaǵy Májilis pen barlyq deńgeıdegi máslıhat saılaýlarynda «Nur Otan» partııasynyń tiziminde bolýy kerek. Elimizdiń bolashaǵy – osyndaı jastar!» dep jazdy ol.

113

Sońǵy jańalyqtar

Portret (Úshtaǵan)

Ádebıet • Búgin, 08:51

Ár adam – jerdiń tutynýshysy

Ekologııa • Búgin, 08:48

Osyndaı elim bar!

Pikir • Búgin, 08:42

Ár eldiń óz damý joly bolady

Saıasat • Búgin, 08:40

Baılamy bekem bátýaly sóz

Saıasat • Búgin, 08:37

Keı óńirde vırýs órshı tústi

Koronavırýs • Búgin, 08:24

StopMusor ekologııalyq jobasy bastalady

Ekologııa • Búgin, 08:22

Toıymsyzdyq – tas joldyń sory

Qoǵam • Búgin, 08:14

«Meniń Týym» aksııasy ótti

Aımaqtar • Búgin, 08:09

Elimizdiń basty qundylyqtary

Saıasat • Búgin, 08:06

Sharalar qatań saqtalýy tıis

Tennıs • Búgin, 08:04

«Barys» – úzdikter qatarynda

Hokkeı • Búgin, 08:03

Ushty, ushty, shatyr ushty!..

Qoǵam • Búgin, 07:56

Yntymaqtastyq yrysymyzdy eseleıdi

Pikir • Búgin, 07:45

Almatyda aqyn kóp...

Ádebıet • Búgin, 07:44

«Aqbilek». Jan jarasy...

Ádebıet • Búgin, 07:42

Shuǵyla-nurdy betke alyp...

Rýhanııat • Búgin, 07:38

Abaıǵa arnalǵan músháıra

Abaı • Búgin, 07:36

Jalǵyz kompanııa Alataýdy ıgere ala ma?

Ekonomıka • Búgin, 07:28

Tarıh tarazysyndaǵy tórt jaıt

Tarıh • Búgin, 07:15

Salǵyrttyq san soqtyrmasyn

Qoǵam • Búgin, 07:10

Kósh basynda – Meıvezer

Kásipqoı boks • Búgin, 07:10

Uqsas jańalyqtar