Úkimet • 14 Mamyr, 2020

Eraly Toǵjanov bastaǵan Úkimet delegasııasy jumys saparymen Atyraý oblysyna bardy

20 retkórsetildi

Jumys sapary barysynda Eraly Toǵjanov óńirdegi epıdemıologııalyq ahýal, «Teńiz» kenishindegi jumysshylardy shyǵarý men Jumyspen qamtýdyń jol kartasyn iske asyrý máselelerine qatysty keńes ótkizdi.

Premer-Mınıstrdiń orynbasary Eraly Toǵjanov elimizde koronavırýs ınfeksııasyn juqtyrý ósimi 2-3% deńgeıinde ekenin atap ótti. Kórsetkishtiń tómendeýi Memleket basshysy Qasym-Jomart Toqaevtyń tapsyrmasymen qabyldanǵan naqty sharalardyń nátıjesi.

Atyraý oblysynyń ákimi Mahambet Dosmuhambetovtiń sózinshe, aımaqtaǵy epıdemıologııalyq jaǵdaı áli de turaqty emes. Qazirgi kezde óńirde COVID-19 ınfeksııasyn juqtyrǵan 458 adam tirkelgen. Olardyń 127-si emdelip shyqty. Al «Teńiz» kenishiniń 384 jumysshysynan atalǵan vırýs anyqtalǵan. Bul azamattar 20 jataqhanada turatyn 33 mekemeniń qyzmetkerleri.

QR densaýlyq saqtaý mınıstri Eljan Birtanovtyń aıtýynsha, «Teńiz» kenishinde karantındik talaptar jetkilikti deńgeıde saqtalmaı otyr. Sondyqtan, ol «Teńizshevroıl» kompanııasynyń merdiger jáne sýbmerdiger kompanııalary basshylarynyń jaýapkershiligin arttyrýǵa shaqyrdy.

Qazirgi kezde «Teńiz» kenishinen 17 myń adam ózderiniń turǵylyqty mekenjaılaryna jetkizilgen.

Sondaı-aq, keńes barysynda «Jumyspen qamtýdyń jol kartasy-2020» baǵdarlamasyn óńirde júzege asyrý barysy qaraldy. Úkimet bıyl 1 mln 220 myń adamdy jumyspen qamtýdy josparlap otyr. Atyraý oblysynda bul baǵdarlama sheńberinde 63 joba júzege asyrylyp, 7 myń jumys orny ashylady. Oǵan respýblıkalyq bıýdjetten 35 mlrd 308 mln teńge bólinip otyr.

Otyrysty qorytyndylaǵan QR Premer-Mınıstriniń orynbasary Eraly Toǵjanov epıdemıologııalyq ahýaldy baqylaýda ustaýdy tapsyryp, «Jumyspen qamtýdyń jol kartasy-2020» baǵdarlamasyn tıimdi júzege asyrý jáne jumyspen qamtamasyz etýge qatysty birqatar naqty tapsyrmalar berdi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar