Aımaqtar • 14 Mamyr, 2020

Nur-Sultan: Búgin jelige 530 avtobýs shyqty

16 retkórsetildi

12 mamyrdan bastap saǵat 07:00-den 21:00 aralyǵynda qaladaǵy qoǵamdyq kólik jumysyn qaıta bastady. Alǵashqy kúni qoǵamdyq kólikti 146 907 jolaýshy paıdalandy, onyń ishinde 2 787 oqýshy, 36 884 áleýmettik jeńildikke ıe azamattar. 13 mamyrda 205 295 jolaýshy, onyń ishinde 48 418 jeńildikke ıe adamdar bolsa, 3 686 oqýshy bar. Karantın engizilgenge deıin jolaýshylar legi kúnine 762 myń adamdy quraǵan bolatyn. Bul týraly qala ákimdiginiń resmı saıty habarlady.

«Búgin jelide barlyq qalalyq baǵdarlar júrip jatyr. Qala aýmaǵyna qatynaıtyn baǵdarlar ekinshi kezeńde júretin bolady, ol týraly qosymsha habarlaımyz», - dedi City Transportation Systems (CTS) kompanııasynyń basqarma tóraǵasy Bekmyrza Igenberdınov.

Qoǵamdyq kólikter jumysyn bastaǵan alǵashqy kúni jelige 450 avtobýs shyqty. Al 13 mamyrda – 490, 14 mamyrda – 530 avtobýs.  Karantınge deıin jelidegi avtobýstardyń sany 872 quraǵan bolatyn.

«Barlyq avtobýstar burynǵydaı dezınfeksııalanady. Avtobýs júrgizýshileri qaýipsizdik sharalaryn saqtaıdy: maska men qolǵap kıip, antıseptık paıdalanady. Sondaı-aq sanıtarlyq normalardy jolaýshylar da saqtaýy tıis. Qazir júrgizýshilerge qoıylyp otyrǵan talap – avtobýsta jolaýshylar júktemesi 50%-dan aspaýy kerek. Basqa ýaqytta avtobýstarǵa túsetin ortasha júkteme 15% quraıdy, al jumysqa baratyn jáne qaıtatyn sátte, ıaǵnı qarbalas kezinde bul talaptar oryndala bermeıdi», - dedi Igenberdınov.

Budan bólek, qoǵamdyq kólikte jol aqysyn qolma-qol aqshasyz tóleý kerek. Ol úshin kólik kartasyn nemese basqa da balama ádisterin:  SMS, QR-kod jáne mobıldi qosymshany paıdalanýǵa bolady. Aıta keteıik, karantınge deıin avtobýstardaǵy qolma-qol aqshasyz tólem 98% qurady.

«Karantın kezinde alynǵan aılyq jolaqy bıleti avtomatty túrde paıdalanýshylardyń kólik kartasyna aýystyryldy. Jolaqy  12 mamyrdan 11 maýsymǵa deıin jaramdy», - dedi basqarma tóraǵasy. Eske sala keteıik, bıyl 28 naýryzdan bastap qosymsha tarıftik jospar iske qosyldy. 18 jasqa tolǵan balalar kólik kartasy bolsa qalanyń qoǵamdyq kólikterinde tegin qatynaı alady.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar