Aımaqtar • 15 Mamyr, 2020

Aral aýdanynda negizgi kórsetkish tómendep tur

21 retkórsetildi

Oblys ákimi Gúlshara Ábdiqalyqova Aral aýdanyndaǵy jumys sapary aıasynda apattyq dep tanylǵan «Tolqyn» balabaqshasynyń jaǵdaıymen tanysyp, aýdan ákimine bul máseleniń sheshý joldaryn usynýdy  tapsyrdy.

Munan keıin, oblys ákimi jazýshy Ábdijámil Nurpeıisov atyndaǵy Ádebıet úıinde bolyp, Oqýshylar úıiniń qurylysy jáne osydan 2 jyl buryn paıdalanýǵa berilgen aýdanaralyq ortalyq aýrýhanasy jumystarymen tanysty.

Sapar barysynda oblys ákiminiń tóraǵalyǵymen aýdannyń áleýmettik-ekonomıkalyq damýyna arnalǵan májilis ótti. Onda Gúlshara Ábdiqalyqova birqatar kórsetkishterdiń tómendegenin aıtty.

- Aýdanda ónerkásip óndirisi 5,5 paıyzǵa, óńdeýshi ónerkásip 7,5 paıyzǵa, kásipkerlik salasy boıynsha kórsetkish 2 paıyzǵa tómendegen. Tek aýyl sharýashylyǵyndaǵy ónim óndirisi 2 paıyzǵa, turǵyn úılerdi paıdalanýǵa berý 48,9 paıyzǵa ósken. Biraq, bul nátıjeler kóńilge qonymdy emes, sebebi, ekonomıkanyń negizgi kórsetkishteri tómen,- dedi oblys ákimi G.Ábdiqalyqova.

Aral aýdanynda «Jumyspen qamtý jol kartasy» baǵdarlamasy sheńberinde bólingen qarjyǵa 16 joba iske asýda. Onyń ishinde Aral qalasynyń joldaryn ortasha jóndeý, aýdandyq mańyzy bar avtomobıl jolyn, Sekseýil kentindegi 300 oryndyq mektep qurylysyn salý, ortalyq kóshelerdi abattandyrý, Aral qalasyndaǵy aýylishilik kóshelerge gaz qubyry júıelerin jetkizý sekildi iri jobalar qarastyrylǵan. О́ńir basshysy «Jumyspen qamtý jol kartasy» baǵdarlamasy aıasynda bólingen qarjyny tıimdi jumsaýdy tapsyrdy.

Munan soń oblys ákimi Jaqsyqylysh kentindegi «Araltuz» zaýytymen, ondaǵy kalsılendirilgen soda shyǵarý ınvestısııalyq jobasynyń júzege asyrylý barysymen, «Batys Eýropa – Batys Qytaı» halyqaralyq kólik dálizi boıyndaǵy «S» jáne «D» sanatty jol boıy servıs kesheni men Qambash aýylyndaǵy olımpıadalar jáne qosymsha bilim berý ortalyǵynyń jumysymen tanysty.

Amanótkel aýyly turǵyndarynyń ózekti máseleleri Han eldi mekeni tusyndaǵy qalqymaly kópirdiń qyzmeti. Gúlshara Ábdiqalyqova aýdan ákimi M.Orazbaev pen oblystyq jolaýshylar kóligi jáne avtomobıl joldary basqarmasynyń basshysy M.Tileýmbetovke ótkeldiń jumysyn qamtamasyz etýdi tapsyrdy.

Sondaı-aq, aımaq basshysy Jańaqurylys aýylyndaǵy №74 orta mektebine bardy.

Búgin oblys ákiminiń sapary Qazaly aýdanynda jalǵasady. 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar