Qoǵam • 15 Mamyr, 2020

Kommýnaldyq qyzmetterdi óteýge ótinim berýge arnalǵan bot iske qosyldy

238 retkórsetildi

Túrkistan oblysynda kommýnaldyq qyzmetter úshin óteletin tólemderge ótinimdi Telegram bot arqyly berýge bolady.

Tólemderdi óteý karantın engizilgen aýmaqtaǵy eldi mekenderde júzege asady. О́tinish bergen kommýnaldyq qyzmetterdi jetkizýshimen shart osy otbasy músheleriniń biriniń atynda bolýy tıis. Atap aıtqanda, kómekti 1, 2 jáne 3 toptaǵy múgedekter, Uly Otan soǵysynyń múgedekteri men qatysýshylary jáne Uly Otan soǵysynyń múgedekteri men qatysýshylaryna teńestirilgen adamdar, múgedek balalardy tárbıeleýshi otbasylar, kópbalaly otbasylar, eń tómen jáne az zeınetaqy alatyn zeınetkerler, memlekettik nemese qoǵamdyq mindetterin, áskerı qyzmetin oryndaý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan adamdardyń otbasylary, ataýly áleýmettik kómek alatyn azamattar, onyń ishinde jalǵyz basty zeınetkerler ala alady.

Kommýnaldyq qyzmetterdi tóleý boıynsha halyqtyń tólemderin óteý úshin tutynýshylar (nemese olardyń zańdy ókilderi) «Telegram» messendjeri arqyly «SmartTurkistanBot» boty arqyly nemese aýdandar men qalalardaǵy call-ortalyqtar arqyly jeke sáıkestendirý nómirin, áleýmettik mártebesin jáne kommýnaldyq qyzmet boıynsha derbes shotynyń derekterin usyna otyryp, ótinish bere alady.

Joǵarydaǵy atalǵan sanattarǵa jatatyn tutynýshylarǵa 15 myń teńgeden 2 aı (sáýir, mamyr) merzimi úshin tólem júrgiziledi. Atalǵan kómekti alýǵa ótinim bildirý mamyr-maýsym aılary aralyǵynda qabyldanady.

Aıta keteıik, Telegram messendjerinde bot tabý úshin izdeý jolynda @SmartTurkistanBot terip, «Bas mázir» batyrmasyn basý qajet. Bul qyzmet halyqtyń áleýmettik jaǵynan osal toptaryna ǵana usynylady.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar