Qazaqstan • 15 Mamyr, 2020

Aqyly joldar: tólem alý pýnktteri qalaı jabdyqtalǵan

40 retkórsetildi

Qazaqstanda jalpy uzyndyǵy 682 shaqyrymdy quraıtyn 4 aqyly jol ýchaskesi bar. Tólem alý pýnktterine Fransııa, AQSh jáne Reseıde jasalǵan termınaldar ornatylǵan. Bul týraly Indýstrııa jáne ınfraqurylymdyq damý mınıstrligi habarlady.

Qazaqstanda jalpy uzyndyǵy 682 shaqyrymdy quraıtyn 4 aqyly jol ýchaskesi bar. Tólem alý pýnktterine Fransııa, AQSh jáne Reseıde jasalǵan termınaldar ornatylǵan.

«Nur-Sultan–Shýche» aqyly avtojolynda 2 tólem alý pýnkti bar. 6 GEA termınaly ornatylǵan. «Nur-Sultan–Temirtaý» tasjolynyń 2 pýnktinde 8 IDC termınaly jáne «Almaty–Qapshaǵaı» jolynyń 1 pýnktinde 12 termınal, «Almaty–Qorǵas» ýchaskesiniń eki pýnktinde 8 Shtrıh-M termınaly bar.

Termınaldar aqyly jolǵa kiretin jáne shyǵatyn ýchaskeleriniń aldynda ornalasqan kirý jáne shyǵý jiktegishterimen, sondaı-aq kólik quralynyń baryn tirkeıtin jabdyqpen qamtamasyz etilgen. Munda kirý, baqylaý jáne shyǵý ındýksııalyq ilmekteri, memlekettik tirkeý nómiri belgisin oqý kamerasy, frid belgilerin tanýǵa arnalǵan esepteýish quraldar men qozǵalys jolaǵyn baqylaýǵa arnalǵan sholý kameralary ornatylǵan. Ár termınal shlagbaým, baǵdarsham jáne aqparattyq tablo, sondaı-aq, tólem alý jáne qaıtarym aqshany berý qondyrǵysy sııaqty qozǵalysty basqarý qurylǵylarymen de jabdyqtalǵan. Aıta ketý kerek, aqyly jolmen júrip ótkeni úshin júrgizýshiler QIWI, Kassa 24, CyberPlat, Tenge) tólem termınaldary, elektrondy ámııan (Kassa 24, QIWI, Wooppay), ınternet bankıng (Halykbank, KaspiBank, Sberbank, Eýrazııalyq bank, CapitalBank, ATF Bank), PayWay.kz saıty, telefon nómirindegi teńgerim jáne KazDriver qosymshasy arqyly tólem jasaı alady. Suraqtar týyndaǵan jaǵdaıda tutynýshylardyń operatorǵa qońyraý shalý múmkindigi qarastyrylǵan.

Eske salaıyq, ótken jyldyń jeltoqsanyn aıynda «QazAvtoJol» ulttyq kompanııasy respýblıkalyq mańyzy bar avtomobıl joldarynda tólem alý júıesin ornatý jáne ony kútip ustaý jónindegi ınvenstısııalyq baıqaýdyń nátıjelerin jarııalaǵan bolatyn. Baıqaý qorytyndylary boıynsha qazaqstandyq-taıvandyq konsorsıýmmen kelisim jasaldy. 

Bıyl respýblıkalyq mańyzy bar avtojoldardyń 5,7 myń shaqyrymynda tólem alý júıesi ornatylyp, synaq rejıminde paıdalanýǵa beriledi. Sondaı-aq, 2024 jylǵa deıin taǵy 5,3 myń shaqyrym jol aqyly bolmaq.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar