Qoǵam • 15 Mamyr, 2020

Elordada qoǵamdyq kólik qozǵalysynyń kestesi ózgerdi

103 retkórsetildi

Nur-Sultanda qoǵamdyq kólik reısteri ádettegiden bir saǵatqa erte bastalyp, bir saǵatqa kesh aıaqtalady. Bul týraly elorda ákimdiginiń resmı saıty habarlady.

Búginnen bastap Nur-Sultan qalasy baǵdarlarynyń júrý kestesi ózgerdi. Endi avtobýstar saǵat 06:00-den 22:00-ge deıin júredi. Buǵan deıin saǵat 07:00-den 21:00-ge deıin qatynady.

Alǵashqy kúni (12 mamyr) jolaýshylar aǵyny 146 907 adamdy qurady. Onyń ishinde 2 787 oqýshylar, 36 884 jeńildigi bar azamattar. 13 mamyr kúni jolaýshylar aǵyny – 205 295 adamdy qurady, onyń 3 686-sy oqýshylar, 48 418-i jeńildigi bar azamattar. Karantınge deıin jolaýshylar aǵyny 762 myńdy quraǵan. Qazir lınııaǵa qalalyq baǵdarlar shyqty.

Ekinshi kezeńde qala mańyna qatynaıtyn baǵdarlar shyǵady. Qozǵalys qalpyna keltirilgen kezde, qosymsha habarlanady. Barlyq avtobýstarǵa burynǵydaı dezınfeksııa júrgiziledi. Avtobýs júrgizýshileri barlyq qaýipsizdik sharalaryn saqtaıdy: betperde, qolǵap kıip, antıseptıkterdi qoldanady. Atalǵan sharalardy jolaýshylar da saqtaýy qajet. Sonymen qatar júrgizýshiler bılet satýdy ýaqytsha toqtatty. Jol júrý úshin kólik kartalaryn jáne jolaqy tóleýdiń balama tásilderin qoldanýǵa bolady. Olar SMS, QR-kod jáne mobıldi qosymshalar.

Karantın engizilgenge deıin qolma-qol aqshasyz tólem úlesi 98%-dy qurady. Kóliktik baqylaý departamentiniń qyzmetkerleri jáne júrgizýshilerdiń ózderi avtobýstaǵy erejelerdi jolaýshylarǵa barynsha túsindiredi. Bul erejeler: aldyńǵy esik arqyly kirý, betperde kııý jáne qolma-qol aqshasyz tólem.

Jolaýshylardyń aldyńǵy esik arqyly kirýi, qalǵan eki esik arqyly shyǵýy – júrgizýshilerdiń jolaýshylar sanyn, olarda maskalardyń bolýyn baqylaý úshin, sondaı-aq qajet bolǵan jaǵdaıda jolaýshylarǵa osy erejelerdi túsindirýi úshin oryndalady. Karantın kezinde satyp alynǵan aılyq jol júrý tarıfteri paıdalanýshylardyń kólik kartalaryna qaıta júkteldi.

Aılyq jol júrý 12 mamyrdan 11 maýsymǵa deıin jaramdy. Eske sala keteıik, 28 naýryzdan bastap qosymsha tarıfter iske qosyldy. Elordada qoǵamdyq kólikte 18 jasqa deıingi balalar kólik kartasy bar bolǵan jaǵdaıda tegin júre alady.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar