Qoǵam • 15 Mamyr, 2020

«Nurly jer» baǵdarlamasyn iske asyrýǵa qosymsha 390 mlrd teńge bólinedi

5 retkórsetildi

Memlekettiń turǵyn úımen qamtamasyz etý saıasatyn iske asyrýdyń tıimdiligin arttyrý maqsatynda jáne qurylystyń aǵymdaǵy kólemin qoldaý úshin Memleket basshysynyń 2020 jylǵy 3 aqpandaǵy № 20-588 tapsyrmasymen «Nurly jer» baǵdarlamasyn iske asyrýǵa qosymsha 390 mlrd teńge bólý týraly Úkimet usynysy maquldandy. Bul týraly IIDM  baspasóz qyzmeti habarlady.

Osy tapsyrma sheńberinde aǵymdaǵy jyldyń 9 sáýirinde QR Ulttyq Banki «Qazaqstandyq turaqtylyq qory» AQ enshiles uıymy arqyly «Báıterek» UBH» AQ-tyń jalpy somasy 180 mlrd. teńgege (jyldyq 4%-ben, 2 jyl merzimge deıin sharttary boıynsha) oblıgasııalaryn satyp aldy.

Jobalardy jedel iske asyrý úshin ákimdikterge qaryz lımıtteriniń kelisimisiz oblıgasııalar shyǵarý quqyǵyn, sondaı-aq memlekettik satyp alýdy ótkizýdiń arnaıy rejımin berdi («Ekonomıkany turaqtandyrý jónindegi odan ári sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy №287 Jarlyǵyn iske asyrý jónindegi sharalar týraly» Qazaqstan Respýblıkasy Úkimetiniń 2020 jylǵy 20 naýryzdaǵy № 126 qaýlysyna ózgeris engizý týraly» a.j. 22 sáýirdegi № 235 qaýlysy).

Búgingi tańda jergilikti atqarýshy organdar «Shańyraq» pılottyq jobasy sheńberinde qoljetimdi kredıttik turǵyn úı qurylysyn qarjylandyrý úshin oblıgasııalardy shyǵaryp, «Báıterek development» AQ 180 mlrd. teńgegesomasyna satyp aldy (100%).

Pılottyq jobany iske asyrý qorytyndysy boıynsha 872 myń sharshy metr kredıttik turǵyn úı nemese 15 214 páter salý josparlanyp otyr (138 jobany iske asyrý bastaldy).

Memleket basshysy Q.Toqaev Tótenshe jaǵdaı jónindegi memlekettik komıssııanyń 11 mamyrdaǵy qorytyndy otyrysynda atap ótkendeı, «5-10-20» nesıelik turǵyn úımen qamtamasyz etý boıynsha jańa joba iske qosylady.

Azamattardyń tólemqabilettilik suranysyn qoldaý jáne «Shańyraq» pılottyq jobasyna qatysýshylarǵa kredıt berý úshin «Báıterek» UBH» AQ Qazaqstan Respýblıkasynyń Ulttyq Bankinen alynǵan oblıgasııalyq qaryz sheńberinde Qazaqstannyń turǵyn úı qurylys jınaq bankke 210 mlrd. teńge bóledi.

«Shańyraq» pılottyq jobasynyń qatysýshylary Qazaqstan Respýblıkasynyń «Turǵyn úı qatynastary týraly» Zańyna sáıkes turǵyn úıge muqtajdar esebinde turǵan azamattar (budan ári - JAO-da kezekte turǵan adamdar) bola alady.

Qatysýshylarǵa qoıylatyn negizgi talaptar:

1) Qazaqstan Respýblıkasynyń azamattyǵy;

2) otbasynyń árbir múshesine sońǵy 6 (alty) aı úshin eńbek jáne (nemese) kásipkerlik qyzmetten (zeınetaqy aýdarymdaryn, jeke tabys salyǵyn jáne ózge de mindetti aýdarymdardy esepke almaǵanda) tıisti qarjy jylyna arnalǵan respýblıkalyq bıýdjet týraly zańda bekitilgen eń tómengi kúnkóris deńgeıiniń 3,1 eselengen shamasyn qosa alǵanda, tabystyń bolýy;

3) JAO Qazaqstan Respýblıkasynyń «Turǵyn úı qatynastary týraly» Zańyna sáıkes turǵyn úıge muqtaj mártebesin jáne turǵyn úıge muqtaj retinde esepke qoıýdy rastaýy;

4) tólem qabilettiligin rastaý.

JAO-da kezekte turǵan adamdardyń turǵyn úıge muqtajdar esebine qoıylǵanyn jáne QTQJB tıisti mártebesiniń bolýyn rastaýdy Kezekte turǵan adamdardy esepke alýdyń biryńǵaı ulttyq aqparattyq júıesimen ıntegrasııalaý arqyly aıqyndaýǵa quqyly.

«Shańyraq» pılottyq jobasyn iske asyrý kezeńi: 2020-2022 jyldar.

Kredıt berý sharttary:

- qaryzdyń maqsaty–turǵyn úıdi bastapqy naryqtansatyp alý (onyń ishinde «Báıterek» UBH» AQ enshiles uıymynyń kepildigimen qamtamasyz etilgen turǵyn úı qurylysy obektilerinde, JAO-nyń kredıttik turǵyn úıleri);

- nomınaldy syıaqy mólsherlemesi jyldyq 5 % ;

- kredıt berý merzimi 20 jylǵa deıin;

QTQJB shotynda bastapqy jarnanyń bolýy:

aldyn ala turǵyn úı zaemdary boıynsha qaryz somasynyń keminde 10% mólsherinde;

«Qazaqstan Respýblıkasyndaǵy turǵyn úı qurylys jınaqtary týraly» Qazaqstan Respýblıkasynyń 2000 jylǵy 7 jeltoqsandaǵy Zańynda aıqyndalǵan mólsherde aralyq turǵyn úı zaemdary boıynsha.

- kepildi qamtamasyz etý – QTQJB talaptaryna sáıkes keletin satyp alynatyn turǵyn úı nemese ózge múlik;

qaryzdyń eń joǵary somasy:

jeke qurylys salýshylardyń obektileri boıynsha Nur-Sultan, Almaty qalalary men olardyń qala mańy aımaqtary úshin 18 mln. teńgeden artyq emes, Atyraý, Aqtaý, Aqtóbe, Shymkent, Túrkistan qalalary men Qaraǵandy oblysy úshin 15 mln. teńgeden artyq emes, qalǵan óńirler úshin 12 mln. teńgeden artyq emes;

JAO kredıttik turǵyn úı boıynsha «Nurly jer» baǵdarlamasynyń 5.1.2-kishi bólimde kózdelgen 1 sh.m qunnyń shekti mólsherimen anyqtalady.

JAO QTQJB-ǵa obektini paıdalanýǵa berýdiń josparlanǵan kúnine deıin keminde 3 aı buryn iske asyrylatyn obekt týraly aqparat beredi.

JAO-nyń kredıttik turǵyn úıin QTQJB arqyly baldyq júıe men teńgerimsiz júıeni qoldana otyryp kezekte turǵan adamdarǵa satý jáne bólý tártibi, sharttary «Nurly jer» baǵdarlamasyna, JAO men QTQJB arasyndaǵy kelisimge jáne QTQJB-nyń ishki qujattaryna sáıkes aıqyndalatyn bolady.

Qabyldanǵan sharalar muqtaj azamattardy turǵyn úımen qamtamasyz etýge múmkindik beredi jáne kásipkerlik belsendilikti jáne shamamen 15 myń jumys ornyn qurýdy qamtamasyz ete otyryp, ekonomıkanyń damýyna oń áser etedi.

Barlyq qarajat qaıtarymdy bolyp tabylady.

Osy tetikti engizý 18 myńǵa jýyq azamattardy turǵyn úımen qamtamasyz etýge múmkindik beredi.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar