Qoǵam • 15 Mamyr, 2020

Bas múftı meshitterde jeke namaz oqýǵa qoıylatyn talaptardy aıtty

63 retkórsetildi

Qazaqstan musylmandary dinı basqarmasynyń tóraǵasy, bas múftı Naýryzbaı Qajy Taǵanuly karantınge baılanysty meshitterde jeke namaz oqýǵa qoıylatyn talaptardy aıtty.

«Elimizde tótenshe jaǵdaı merzimi aıaqtalyp, halqymyz qalypty ómir tirshiligine aýysa bastady. Alaıda karantın rejıminiń talaptaryn qatań saqtap, saqtyq sharalaryna asa mán berýimiz qajet.

Osy rette, kelesideı talaptardy oryndaýǵa shaqyramyn:

- meshitke kelýshi barsha jamaǵatty medısınalyq maska jáne qolǵap kıip kelýge; 

- antıseptık qurylǵysyn jıi qoldanýǵa; 

- jeke qulshylyq jasaý kezinde bir jarym metr araqashyqtyqty saqtaýǵa;

- Quran oqıtyn bólmege bir jarym metr araqashyqtyqty saqtaı otyryp, 10 adamnan artyq kirmeýge;

- neke qıdyratyn bólmege 4 adamnan artyq kirmeýge

Meshit ımamdarynyń keńesine qulaq asyp, meshitke lek-legimen kezekpen kirýge, meshitte 15 mınýttan artyq bolmaýǵa úndeımin. Bul meshit aýasyn ár 3 saǵat saıyn taza aýamen almastyryp otyrýǵa múmkindik beredi. 

Osy rette bıyl Qadir túni mamyr aıynyń 19-nan 20-na qaraǵan túnge sáıkes kelip otyr, bul túndi úıde qarsy alý qajettigin basa aıtqym keledi. Joǵaryda atap ótkenimdeı, elimizde tótenshe jaǵdaı merzimi aıaqtalǵanymen, juqpaly indettiń qaýpi tolyq seıilgen joq» dedi ol.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar