Qazaqstan • 15 Mamyr, 2020

Qazaqstanda ekologııalyq reformalardy keıinge qaldyrýǵa sebep joq

15 retkórsetildi

Qazaqstannyń Ekologııa, geologııa jəne tabıǵı resýrstar mınıstrligi iri ónerkəsip kəsiporyndaryn «taza» tehnologııaǵa kóshirýge mindetteıtin jańa Ekologııalyq kodeks jobasyn qaraýdy jəne qabyldaýdy suraıdy. Bul týraly Qazaqstannnyń Ekologııa, geologııa jəne tabıǵı resýrstar vıse-mınıstri Ahmetjan Pirimqulov Prezıdent janyndaǵy Ortalyq kommýnıkasııalyq qyzmetindegi brıfıngte məlimdedi.

«Ekologııa məselesi qashanda ózekti jəne qazirgi jaǵdaı rejiminde de ózektiligin joǵaltpaıdy. Bıznes-qaýymdastyqtardyń birqatary jańa kodekstiń merzimin aldaǵy koronavırýstan keıingi yqtımal saldarlarǵa oraı aýystyrý týraly məsele kóterýde», - dedi A. Pirimqulov jumadaǵy brıfıngte.

Ol ónerkəsip kəsiporyndaryndaǵy kóptegen apattar men ekologııalyq zańbuzýshylyqtar týraly eske túsirýge shaqyrdy.

«Jaǵdaıdyń asa ýshyǵyp turǵanyn Nazarbaev Ýnıversıtet sarapshylarynyń esebinen bilýge bolady. Ol boıynsha, jylyna on myńdap shyǵarylatyn ýly qaldyqtan aýanyń lastanýynan mezgilsiz ólim-jitimniń ósýi baıqalady. Bul rette ǵalymdardyń baǵalaýy boıynsha, osyǵan baılanysty densaýlyq saqtaýǵa ketetin shyǵyndardy jəne eńbekke qabiletti turǵyndardy eseptegende, mundaı ahýal bizdiń ekonomıkamyzǵa 2.4 mlrd dollardan asa qarajatty talap etedi. Osynyń barlyǵy bizdiń elimizdiń ornyqty damý maqsattaryna saı kelmeıdi», - dep atap kórsetti vıse-mınıstr.

Qazirgi jaǵdaı ýaqytsha qubylys ekenin eske saldy. О́nerkəsip oryndary úshin ol «sonshalyqty qajet bolyp otyrǵan jańǵyrtý men ozyq qoljetimdi tehnologııaǵa (OQT) kóshýdi taǵy da keri ysyrýǵa qolaıly syltaý» bolyp otyr.

Sonymen qatar, vıse-mınıstr Kodeks jobasynda «OQT engizýdiń oryndy merzimi» kórsetilgenin atap kórsetti.

«Bul jerde remarka jasaý qajet. OQT birinshi kezeńi tek shyǵaryndy kólemi elimizdegi jalpy kólemniń 70%-in quraıtyn 50 kəsiporynǵa ǵana qatysty. Sondyqtan qandaı da bir təýekelder týraly aıtý əli erte. Ekologııalyq kodeks sheńberinde OQT engizbegen kəsiporyndy jabý týraly norma joq. Tek mólsherlemeni kezeń-kezeńmen arttyrý týraly aıtylǵan. Jańa kəsiporyndar úshin OQT-ǵa kóshý mindetti talap, ıaǵnı biz qatań ekologııalyq talaptarsyz qurylys salýǵa, jańa nərselerdi qurýǵa ruqsat bermeýimiz kerek», - dedi A. Pirimqulov.

 
Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar