Qazaqstan • 15 Mamyr, 2020

Ýkraınanyń ulttyq munaı-gaz kompanııasynyń geologııalyq barlaýyn qazaqstandyq azamat basqarady

36 retkórsetildi

Sanjar Járkeshov «Naftogaz Ýkraına» UAK (Head of Upstream Exploration and Development) Kenoryndaryn barlaý jáne ıgerý bóliminiń basshysy bolyp taǵaıyndaldy. Bul týraly Ekologııa, geologııa jáne tabıǵı resýrstar mınıstrliginiń baspasóz qyzmeti habarlady.

Buryn S.S. Járkeshov Qazaqstan Respýblıkasy Ekologııa, geologııa jáne tabıǵı resýrstar vıse-mınıstri, «Qazgeologııa» AQ dırektorlar keńesiniń tóraǵasy bolǵan.

Munaı ınjeneri, Ostındegi Tehas ýnıversıtetinde (AQSh) qarjyger bilimin alǵan, Qazaq ekonomıka, qarjy jáne halyqaralyq saýda ýnıversıteti túlegi.

Sanjar Járkeshov álemniń 17 elindegi ınjenerlik, óndiristik jáne basqarýshylyq 11 jyldyq tájirıbege ıe.

Ár jyldary ol:

  • McKinsey and Company-de (London) basqarýshy keńesshi jáne munaı salasyndaǵy sarapshy retinde, álemdik ulttyq, transulttyq korporasııalardy qaıta qurýǵa qatysqan.
  • Merlin ERD (Pert, Shotlandııa) álemdegi eń uzyn burǵylaýdy jobalaý jáne qoldaý úshin.
  • ExxonMobil Corporation-de 2010-2016 jyldarda AQSh (Tehas, Kolorado jáne Kalıfornııa), Qazaqstanda (Qashaǵan jobasy), Irakta (Kúrdistan), RF-da (Sahalın-1 jobasy) burǵylaý, uńǵymalardy salý boıynsha jobalaýshydan bas ınjenerlikke deıingi joldan ótken.
  • Tehas, Ostın qalasyndaǵy Munaı jáne geojúıe ınjınırıng ortalyǵy, hımııalyq tehnologııalardy qoldaný arqyly jetilgen ken oryndarynan munaı men gazdy shyǵarýdy arttyrý jobalary boıynsha.

2014 - S. Járkeshov burǵylaý boıynsha álemdik rekord ornatty (Z-40 uńǵymasy, 13000 m, Sahalın araly, Reseı Federasııasy).

2016 jyl - Búkilálemdik munaı ınjenerleri qoǵamynyń «Burǵylaý isindegi erekshe jetistikteri úshin» SPE syılyǵymen marapattaldy.

2016 jyl - «Kásibı Injener/Chartered Engineer» brıtandyq ataǵynyń ıegeri. Brıtandyq mehanıkalyq ınjenerler ınstıtýtynyń basqarma múshesi.

2017 jyly Ulybrıtanııanyń munaı ónerkásibin damytýǵa (Merlin ERD kompanııasy quramynda) qosqan úlesi úshin Koroleva II Elızaveta atyndaǵy syılyqpen marapattalǵan.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar