Qazaqstan • 16 Mamyr, 2020

Q.Esekeev: Karantın kezinde bizdiń kompanııalardyń júktemesi áldeqaıda joǵarylady

25 retkórsetildi

«Qazaqtelekom» kompanııasynyń basshysy Qýanyshbek Esekeevtiń aıtýynsha, tótenshe jaǵdaı kezinde  kompanııalar tobyna júkteme kúrt artqan. Bul úrdis qazir de saqtalyp otyr.

– Onlaın arnalar men koll ortalyqtaryna habarlasqan halyqtyń deni ınternet qostyrýdy, baılanystyń jańa túrine aýysýdy suraǵandar kóp boldy. Máselen, tek naýryz aıynyń ózinde «Qazaqtelekomnyń» abonenttik bazasy 25000 jańa klıentpen tolyqty. Bul jerde klıent degenimiz úı, al ol úıde qanshama adam turady. Adam basyna shaqqanda bul shamamen 75 000-100 000 qoldanýshy. Sózsiz bul ınternet jelisine artylǵan qosymsha júkteme. Odan bólek, jumysty, sabaqty úıden júrgizgen, saýdany onlaın jasaǵan, jınalys pen kezdesýlerdi jelide uıymdastyrǵan, bar ermegi - telefonda bolǵan bul kezeń árıne ınternetke buryn-sońdy bolmaǵan kólemde júkteme artty, - dedi ol.

Naqtyraq aıtqanda Qazaqtelekom kompanııalar tobyna (Activ/Kcell, Tele2, Altel) júkteme naýryzdyń basynda 5% artty, al sáýir aıynda bul kórsetkish 20% ósti. Árıne bul júkteme áli de ósip keledi.

- Trafıktiń kúrt ósýiniń mańyzdy bir sebebi – «barlyǵy bir mezette jelide» fenomeniniń saldary. Buryndary jelidegi júktemeniń artý ýaqyty belgili edi, bir mezet kóterilip, basylatyn. Al karantınde mundaı joq, 24 saǵat boıy trafık belsendi qoldanylýda. Ol ol ma, ár abonent júktelýi aýyr kontentke aýysqan, ıaǵnı vıdeokontent, fılmder. Úıge tartylǵan bir jeliden bir mezette televızor, planshet, kompıýter, telefonnan ár úı múshesi kıno qarasa, biri oqý baǵdarlamasyna qosylsa, biri onlaın jınalysyna qatyssa, biri beıneqońyraýmen sóılesse júktemeniń artatyny belgili. Sol sekildi búkil el boıynsha, qoldanýshylar bul kúnderi belsendi boldy.

Qaladaǵy bar avtokólik bir mezette jolǵa shyqsa, ol jol qansha sapaly, qanshama sansyz jolaqqa ıe bolsa da keptelis paıda bolady. Bul da sol sekildi, - dedi Qýanyshbek Esekeev.

Onyń aıtýynsha, ınternet arnalaryn keńeıtý baǵytynda shuǵyl sharalar jasaldy.  Sonyń biri biz syrtqy arnalardyń syıymdylyǵyn 360 gıgabıtke (1200 Gbıt / s-ten 1560 Gbıt / s-qa deıin) keńeıtildi, jáne bul jumys jalǵasa beredi.

- Tótenshe jaǵdaı jarııalanǵannan beri «Qazaqtelekom» syrtqy Internet arnalarynyń ótkizý qabilettiligin arttyrý boıynsha provaıderlermen jedel kelissózder júrgizdi. Qazirgi ýaqytta bul arnalar shamamen 25% keńeıtildi, bul syrttan keletin ınternet arnalaryn júktemeýge jáne usynylatyn qyzmet sapasyn jaqsartýǵa múmkindik beredi, - dedi «Qazaqtelekom» basshysy.

Onyń sózine qaraǵanda, ǵalamdyq jelige artylǵan júktemeni azaıtý baǵytynda birqatar sharalar qabyldaýda. Mysaly YouTube beıne rolıkterdi burynǵydaı joǵary sapaly HD formatynda emes, standartty sapada usyna bastady. Netflix- te Eýropa boıynsha derekterdi taratý jyldamdyǵyn 4 ese azaıtty. Osy sekildi Facebook, Instagram, Disney+ resýrstary beıne rolıkter sapasyn ádeıi tómendetti.  

Sońǵy jańalyqtar

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

«Qazarhıv» basqarmasy qajet

Rýhanııat • Búgin, 07:41

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Táýelsizdik – eń qymbat qundylyq

Saıasat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Maýsym shildede jalǵasady

Sport • Búgin, 06:40

Jarys sátsiz bastaldy

Tennıs • Búgin, 06:40

Uqsas jańalyqtar