Aımaqtar • 17 Mamyr, 2020

Shyǵys Qazaqstan oblysy: Kásipkerlikti qoldaýǵa basymdyq berilgen

56 retkórsetildi

Shaǵyn jáne orta bıznesti damytý — memlekettiń ekonomıkalyq saıasatynyń basym baǵyttarynyń biri. Osy maqsatta Shyǵys Qazaqstan oblysynda kásipkerlikti qarjylyq jáne qarjylyq emes qoldaý belsendi iske asyrylýda, bul negizgi kórsetkishterdiń joǵary mánderine qol jetkizýge jol ashady. Bul týraly Premer-Mınıstrdiń baspasóz qyzmeti habarlady.

Búgingi tańda tirkelgen shaǵyn jáne orta kásipkerlik sýbektileriniń sany 100 977 birlikti qurady, onyń ishinde jumys istep turǵan ShOK sýbektileri — 86 752 birlik.

2019 jyldyń qorytyndysy boıynsha ShOK salasynda jumyspen qamtylǵandar sany 232 543 adamdy qurady, 2018 jylmen salystyrǵanda ósim qarqyny — 100,3%. ShOK sýbektileri shyǵaratyn ónim kólemi ataýly mánde 211,3 mlrd teńgege nemese 2018 jylmen salystyrǵanda 20,4%-ǵa ulǵaıyp, 1 248,6 mlrd teńgeni qurady. ShOB sýbektileriniń ónim shyǵarý ındeksi 114,3% qurady.

Osy jyldyń I toqsanynda oblystyń  shaǵyn jáne orta bıznesi jalpy somasy 75,6 mlrd teńgege salyq tóledi, bul ótken jyldyń osy kezeńimen salystyrǵanda 130,3%-dy quraıdy.

Otandyq óndirýshilerge áreket etip turǵan Memlekettik baǵdarlamalar, sondaı-aq qazaqstandyq bıznesti damytýǵa baǵyttalǵan jańa baǵdarlamalar aıasynda da qoldaý kórsetilýde.

Atap aıtqanda, «Bıznestiń jol kartasy-2025» bıznesti qoldaý men damytýdyń memlekettik baǵdarlamasy aıasynda shaǵyn jáne orta bıznes sýbektileri nesıe boıynsha paıyzdyq mólsherlemeni sýbsıdııalaý, kepil múlki jetkiliksiz bolǵan jaǵdaıda kepildik berý, memlekettik granttar berý jáne bıznes obektilerine jetispeıtin óndiristik ınfraqurylymdy jetkizý túrinde qarjylyq qoldaý jáne aqparattyq-taldamalyq qamtamasyz etý, kásipkerlik qyzmet negizderine oqytý, mamandardyń biliktiligin arttyrý túrinde qarjylyq emes qoldaý ala alady.

Qazirgi ýaqytta daǵdarysqa qarsy sharalar barysynda BJK-2025 baǵdarlamasyna nesıe berý tetigi turǵysynan ózgerister engizildi, usynylǵan redaksııaǵa sáıkes sýbsıdııalaý qosymsha qarjylyq júktemesiz, sońǵy qaryz alýshy úshin 6% mólsherinde birizdendirilgen shartpen júrgiziledi, al aıyrmasyn memleket tóleıdi.

Nesıeniń joǵarǵy shegi bir qaryz alýshyǵa 7 mlrd teńgege deıin ulǵaıtylyp, salalyq shekteýler alynyp tastaldy (saýdany qospaǵanda), nesıe berý kezinde — isin jańa bastaǵan kásipkerler úshin 360 mln teńgege deıingi nesıe somasy kezinde 85%-ǵa deıin, burynnan kele jatqan kásipkerler úshin 1 mlrd teńgege deıingi nesıe somasy kezinde 50%-ǵa deıin kepildikter berý tetigi ońaılatyldy.

2020 jyly BJK-2025 iske asyrýǵa 6 mlrd teńgeden astam qarjy qarastyrylǵan. «Bıznestiń jol kartasy-2025» bıznesti qoldaý jáne damytý memlekettik baǵdarlamasy aıasynda 2010 jyldan bastap kásipkerlikti qarjylaı qoldaý maqsatynda jalpy nesıe somasy 175 mlrd teńge bolatyn 1219 joba sýbsıdııalandy, tólengen sýbsıdııa somasy 15,5 mlrd teńgeni qurady. 2020 jyldyń 4 aıynda jalpy nesıe somasy 1,8 mlrd teńge bolatyn 38 joba boıynsha sýbsıdııalaý shartyna qol qoıyldy.

Jalpy somasy 17,6 mlrd teńgege 505 joba kepildendirildi, berilgen kepildik somasy 7,2 mlrd teńgeni qurady. 2020 jyldyń 4 aıynda 882,4 mln teńge nesıe somasyna 22 joba kepildendirildi, kepildik somasy 369,5 mln teńgeni qurady.

222 joba boıynsha 585,5 mln teńgege granttar berildi.

Bıznes júrgizý negizderine oqytý jáne áleýetti ári jańadan bastaýshy kásipkerlerdi konsýltasııalyq súıemeldeý boıynsha qarjylyq emes qoldaý aıasynda «Bıznes – Keńesshi» jáne «Bıznes – О́sý» komponentteri boıynsha 14,7 myń tyńdaýshy, «Jas kásipker mektebi» jobasy boıynsha 422 adam oqýdan ótti.

«Jumys istep turǵan bıznesti júrgizýge servıstik qoldaý kórsetý» jobasy aıasynda 21,2 myń klıentke 50,9 myń servıstik qyzmet kórsetildi.

Baǵdarlamany iske asyrý bastalǵannan beri Kásipkerlerge qyzmet kórsetý ortalyqtary men Kásipkerlerdi qoldaý ortalyqtarynda 79,8 myń klıentke 134,5 myń keńes berildi.

Barlyǵy «Bıznestiń jol kartasy-2025» baǵdarlamasy aıasynda oblys kásipkerleri 41,3 mlrd teńge salyq tóledi, 1 043,3 mlrd teńge somasyna ónim shyǵarý qamtamasyz etildi, 4,5 myń jumys orny ashyldy.

О́ńirlik deńgeıde kásipkerlerdiń basym jobalaryn iske asyrý úshin «Damý» kásipkerlikti damytý qory» AQ-men birlesip, 2016 jyldyń sońynda «Aq-Nıet» ShOK sýbektileriniń jobalaryn jeńildikpen qarjylandyrý baǵdarlamasy iske qosyldy. Qazirgi tańda daǵdarysqa qarsy sharalar sheńberinde kásipkerlik sýbektilerine nesıe berý tetigine ózgerister engizildi, atap aıtqanda, salalyq shekteýler (onyń ishinde bólshek saýda) joıyldy, kredıttiń eń joǵary somasy 50 mln teńgeni quraıdy, nesıe merzimi ınvestısııaǵa 7 jylǵa deıin jáne aınalym qarajatyn tolyqtyrýǵa — 3 jylǵa deıin.

Baǵdarlama iske asyryla bastalǵaly beri (2016 jyl) osy maqsattarǵa 4,5 mlrd teńge bólindi, onyń ishinde 2,25 mlrd teńge oblystyq bıýdjet qarajatynan jáne 2,25 mlrd teńge «Damý» qorynyń qarajatynan. 2020 jylǵy 1 mamyrdaǵy jaǵdaı boıynsha qaıtarymdy qarajatty esepke ala otyryp, 4,9 mlrd teńge somasyna 120 joba qarjylandyryldy, onyń ishinde 2019 jyly qaıtarymdy qarajatty esepke ala otyryp, 1,2 mlrd teńgege 48 joba qarjylandyryldy.

Bıznesti qoldaýdyń taǵy bir sharasy retinde «Qazaqstan Respýblıkasynyń Ulttyq Banki» Basqarmasynyń Qaýlysymen tótenshe jaǵdaıdy engizýden zardap shekken ShOK sýbektilerine jyldyq 8% mólsherlememen 12 aıdan aspaıtyn merzimge, aınalym qarajatyn tolyqtyrýǵa salalyq shekteýlersiz ShOK sýbektileri úshin 3 mlrd teńgege deıin jáne JK úshin 50 mln teńgeden aspaıtyn jeńildetilgen nesıe berý baǵdarlamasy bekitildi.

Bul baǵdarlamany júzege asyrý úshin Ulttyq bank 600 mlrd teńge bóldi, olar 12 ekinshi deńgeıli bankterde ornalastyrylǵan. Operator retinde «Qazaqstandyq turaqtylyq qory» AQ belgilendi. Nesıe qarajaty taýarlardy, jumystardy, qyzmetterdi, salyqtardy jáne bıýdjetke tólenetin basqa da tólemderdi, jalaqyny qolma-qol aqshasyz tásilmen tóleýge baǵyttalýy múmkin. 

12.05.2020 jylǵy jaǵdaı boıynsha tótenshe jaǵdaıdy engizýden zardap shekken ShOB sýbektileriniń aınalym qarajatyn tolyqtyrýǵa EDB-ge ShOB sýbektilerinen 15,9 mlrd teńge somasynda aınalym qarajatyn tolyqtyrýǵa 47 ótinim kelip tústi.

«Qarapaıym zattar ekonomıkasy» baǵdarlamasy boıynsha 2020 jylǵy 12 mamyrdaǵy shuǵyl aqparat boıynsha ShQO-da Ekinshi deńgeıli bankter men Agrarlyq nesıe korporasııasy 11,8 mlrd teńge somasyna 151 jobany maquldady. EDB men ANK qaraýynda 1,9 mlrd teńge somasyna 27 joba jiberilgen.

О́nimdi jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń ekinshi baǵytyn iske asyrý aıasynda qalalar men monoqalalarda shaǵyn nesıe berý boıynsha 2017 jyldan 2020 jylǵa deıin 4,067 mlrd teńge somasyna 356 joba nesıelendirildi, onyń ishinde 2020 jyly 230,56 mln teńge somasyna 21 joba nesıelendirildi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar