Aımaqtar • 18 Mamyr, 2020

Qyzylorda oblysynyń ákimi: Turǵyndar baǵdarlama ıgiligin sezinýi kerek

44 retkórsetildi

Oblys ákimi Gúlshara Ábdiqalyqovanyń aýdandarǵa jumys sapary Baıqońyr qalasy men Qarmaqshy aýdanynda jalǵasty. Bul týraly oblys ákiminiń baspasóz qyzmeti habarlaıdy.

О́ńir basshysy birinshi kezekte Tóretam kentindegi №22 35/10 kV qosalqy elektr stansııasynyń jumysymen tanysty. Bıyl «Jumyspen qamtý jol kartasy» memlekettik baǵdarlamasy aıasynda atalǵan stansııany keńeıtý jáne jańǵyrtý jumystary júrgizilýde. Atqarylyp jatqan jumystar týraly oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Medet Ýsaın baıandady.  Baǵdarlama aıasynda 340 adam ýaqytsha jumyspen qamtylady.

Munan soń Gúlshara Ábdiqalyqova Baıqońyr qalasyndaǵy №277 mektep-lıseıine jáne jańadan salynǵan kóp qabatty úılerge bardy. Atalǵan bilim uıasynda aımaq basshysy oblystyq bilim basqarmasyna Baıqońyr qalasy men Qyzylorda oblysynyń oqýshylary arasynda demalys ýaqytyn tıimdi ótkizý, ári tarıhı oryndardy tanystyrý maqsatynda ekskýrsııa uıymdastyrýdy tapsyrdy. 

Sapar aıasynda aımaq basshysy kópbeıindi aýrýhananyń jumysymen tanysty. Bas dáriger Jandos Ádilhan Baıqońyr kesheninde COVID-19 ınfeksııasyn aldyn alý boıynsha atqarylyp jatqan jumystar týraly baıandady. Osy aýrýhanaǵa qarasty Tóretam aýyldyq aýrýhanasynda karantındik jáne provızorlyq bólimsheler men ıntensıvti-reanımasııalyq palata uıymdastyryldy. «Batys Eýropa – Batys Qytaı» halyqaralyq trassasynan Baıqońyr qalasy men Aqaı aýyldyq okrýgine, Tóretam kentine kire beris joldarynda 2 blok-beket uıymdastyrylyp, onda jalpy sany 16 meıirbıke jumys atqarýda.  

Sonymen qatar, Gúlshara Ábdiqalyqova Baıqońyr qalasyndaǵy Jeńis saıabaǵynda Jeńistiń 75 jyldyǵyna oraı «Máńgilik alaý» eskertkishinde gúlshoqtaryn qoıyp, taǵzym etti.
Jumys sapar barysynda oblys ákimi Qarmaqshy aýdanyndaǵy qurylys qumyn jáne beton buıymdaryn óńdirý sehynyń jumysymen tanysyp, ónim sapasyna mán berýdi eske saldy.

Munan keıin óńir basshysy Gúlshara Ábdiqalyqovaǵa Qarmaqshy aýdanyndaǵy gaz rettegish pýnkti men kvartalishilik gaz tartý jumystarynyń barysy tanystyryldy. Joba boıynsha 2019 jyly joǵary jáne orta qysymdy 87,5 shaqyrym gaz qubyry salynyp, 3 dana gaz rettegish pýnkti ornatyldy. Qazir qalǵan 72,5 shaqyrym gaz qubyryn júrgizý bastaldy. Joba aıaqtalǵannan keıin, 20 myń turǵyn úı tabıǵı gazdyń ıgiligin kóretin bolady.  

Odan keıin oblys ákimi Gúlshara Ábdiqalyqovanyń tóraǵalyǵymen Qarmaqshy aýdanynyń áleýmettik ekonomıkalyq damý máseleleri boıynsha májilis ótti. 

О́tken jyldyń qorytyndysymen oblysta shaǵyn jáne orta bıznespen 418 mlrd. teńgeniń ónimi óndirilgen bolsa, onyń ishinde Qarmaqshy aýdanynyń úlesi shamamen 2,2 paıyz ǵana. Shaǵyn jáne orta bıznesti damytý, kásipkerlikke qoldaý kórsetý jáne memlekettik baǵdarlamalardy halyq ıgiligine paıdalaný óte mańyzdy. «Jumyspen qamtý jol kartasy» memlekettik baǵdarlamasy aıasynda bólingen qarjyny tıimdi paıdalanyp, halyq onyń ıgiligin sezinýi qajet. Búgingi kúni bul memlekettik baǵdarlamasy aıasynda aýdanǵa 3 mlrd tengeden astam qarjy bólinip, abattandyrý, kóshelerdi jaryqtandyrý, áleýmettik nysandardy jóndeý baǵytynda barlyǵy 40 joba aıasynda jumys jasalýda. Sondaı-aq, 800-ge jýyq turǵyn jumyspen qamtylady dep kútilýde. Bastalǵan jumystardy ýaqytyly jáne sapaly aıaqtańyzdar, - dedi oblys ákimi.

Sońǵy jańalyqtar

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

«Qazarhıv» basqarmasy qajet

Rýhanııat • Búgin, 07:41

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Táýelsizdik – eń qymbat qundylyq

Saıasat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Jarys sátsiz bastaldy

Tennıs • Búgin, 06:40

Uqsas jańalyqtar