Aımaqtar • 18 Mamyr, 2020

Jambyl oblysynda sport nysandarynyń ınfraqurylymy jańartylýda

31 retkórsetildi

Bıyl Jambyl oblysynda sport nysandarynyń ınfraqurylymyn jańartý boıynsha 120 joba júzege asyrylýda. Atalǵan jobalardy iske asyrý aıasynda óńirde 13 jańa dene shynyqtyrý-saýyqtyrý kesheni jáne 92 sport alańy salynyp, birneshe nysandar kúrdeli jóndeýden ótedi dep josparlanýda.

Búginde «Samuryq-Qazyna Trast» áleýmettik jobalardy damytý qory turǵyndardyń salaýatty ómir saltyn qalyptastyrýǵa belsendi atsalysýda. Qazirgi kezde qor esebinen Jambyl oblysynda «Meniń elim» áleýmettik ınvestısııalyq baǵdarlamasy aıasynda 3 ámbebap sporttyq jáne balalarǵa arnalǵan oıyn alańdary salynýda. Onyń biri Taraz qalasynda bolsa, qalǵan ekeýi Baızaq jáne Qordaı aýdandarynda júzege asýda. Ár osyndaı keshenniń aýdany shamamen 1300 sharshy metrdi quraıdy.

Alań aýmaǵynda jasandy kógaly bar fýtbol alańy, workout-alańshasy jáne balalarǵa arnalǵan oıyn alańshalary qamtylǵan. Alańnyń perımetri boıynsha oryndyqtar ornatylýda. «Jobanyń maqsaty – halyqtyń salaýatty ómir saltyn qalyptastyrýyna jáne olardyń bos ýaqytyn uıymdastyrýǵa yqpal etý. Bul alańdar tek jastardyń ǵana  emes, barlyq otbasy músheleriniń jıi keletin ornyna aınalady dep senemiz», deıdi «Samuryq-Qazyna Trast» qorynyń ókili Mıras Irgebaev. Paıdalanýǵa berilgennen keıin atalǵan nysandar olardyń saqtalýyn jáne fýnksıonaldyǵyn qamtamasyz etý úshin jergilikti atqarýshy organdardyń teńgerimine tapsyrylady.

 

Jambyl oblysy

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar