Aımaqtar • 18 Mamyr, 2020

Kóktemgi egis jumystaryn qarjylandyrý júrip jatyr

23 retkórsetildi

«Keń dala» baǵdarlamasy boıynsha kóktemgi egis jumystaryna beriletin jeńildetilgen nesıe aıaqtalysymen, Agrarlyq nesıe korporasııasy (ANK) «Qarapaıym zattar ekonomıkasy» baǵdarlamasy boıynsha egis naýqanyn qarjylandyrýǵa kiristi dep habarlaıdy AShM baspasóz qyzmeti.

Buǵan deıin habarlaǵanymyzdaı, daǵdarysqa qarsy sharalar aıasynda Memleket basshysy qazaqstandyq fermerlerge kóktemgi dala jumystaryna «Qarapaıym zattar ekonomıkasy» baǵdarlamasyna qosymsha qarjylyq kómek kórsetýdi tapsyrdy. Qarajat qaıtarymsyz emes, biraq jeńildetilgen sharttarmen beriledi.

Fermerlerge 6%-ben  100 mıllıard teńge berý qarastyrylǵan. Qarjy 12 aıǵa deıingi merzimge aldyn-ala beriledi. Negizgi qaryzdy nesıe merzimi aıaqtalǵannan keıin óteýge bolady.

Qarjylandyrý «Agrarlyq nesıe korporasııasy» AQ («QazAgro» UBH AQ enshiles uıymy) jáne ekinshi deńgeıli bankter arqyly júzege asyrylady. Egin egý naýqany bastalǵannan bastap, ANK qarajat berýdi tezdetý jáne jeńildetý maqsatynda bıznes-prosesterdi ońtaılandyrdy. Atap aıtqanda, 30 kúntizbelik kúnde qaralatyn ótinishter 10 kún ishinde tekserilip, sheshim shyǵarý qarastyryldy. О́tkizetin qujattar tizimi de qysqarady. Búgingi tańda ANK fermerlerge shamamen 6 mlrd. qarjy bóldi.

Jaqynda Agrarlyq nesıe korporasııasy «Keń dala» baǵdarlamasy boıynsha kóktemgi dala jumystaryn qarjylandyrýdy aıaqtady. Nátıjesinde 70 mlrd teńgeni 5%-ben 2 405 shaǵyn jáne orta bıznes ókilderi aldy.

Osylaısha, «Keń dala» jáne «Qarapaıym zattar ekonomıkasy» baǵdarlamasy boıynsha, 2020 jylǵy kóktemgi dala jumystaryna 170 mlrd. teńge bólindi. Memlekettiń osyndaı aýqymdy qoldaýy sharýalarǵa ýaqtyly jáne esh kedergisiz jumys jasaýyna múmkindik beredi.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar