Qoǵam • 19 Mamyr, 2020

Sybaılas jemqorlyqtyń aldyn alý boıynsha májilis ótti

30 retkórsetildi

Sybaılas jemqorlyqqa qarsy is-qımyl agenttigi alańynda Sıfrlyq damý, ınnovasııa jáne aeroǵarysh ónerkásibi mınıstri A.Q. Jumaǵalıevtiń, Agenttik Tóraǵasynyń birinshi orynbasary O.A. Bektenovtiń, sondaı-aq Mınıstrlik basshylyǵynyń qatysýymen májilis ótti. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti habarlady.

«Eki másele qaraldy: Birinshisi baǵynyshty qyzmetkerlerdiń sybaılas jemqorlyǵy úshin basshynyń jaýapkershiligi týraly qarasha aıyndaǵy túzetýlerge túsindirý;

Ekinshisi memlekettik organdardyń qyzmetindegi sybaılas jemqorlyq táýekelderin qarastyrý.

Agenttiktiń sybaılas jemqorlyqqa qarsy jańa sharalardy túsindirý boıynsha júrgizip jatqan jumysy aıasynda is-sharaǵa qatysýshylarǵa baǵynyshty qyzmetkerlerdiń sybaılas jemqorlyǵy úshin basshynyń jaýapkershiligi týraly túzetýler jetkizildi.

Májilisti asha otyryp, Sybaılas jemqorlyqqa qarsy is-qımyl agenttigi Tóraǵasynyń birinshi orynbasary O.A. Bektenov atalǵan ınstıtýttyń Memleket basshysynyń tapsyrmasy boıynsha zańnamaǵa engizilgenin atap ótti.

Odan ári ol osy ınstıtýtty iske asyrý tetigine toqtaldy.

A.Q. Jumaǵalıev mınıstrliktiń basshylyq quramyn ortalyq apparatta jáne oǵan vedomstvolyq baǵynysty barlyq uıymdarda sybaılas jemqorlyqqa qarsy mádenıetti ilgeriletý boıynsha sharalar qabyldaýǵa shaqyrdy.

Májilis barysynda halyqqa qyzmet kórsetý kezinde memlekettik organdardyń qyzmetindegi sybaılas jemqorlyq táýekelderi aıtyldy.

O.A. Bektenov atap ótkendeı: «Memlekettik organdar halyqqa qyzmet kórsetýde, onyń ishinde baqylaý-qadaǵalaý fýnksııalaryn iske asyrý kezinde aqparattyq resýrstardy jetkilikti deńgeıde tıimdi paıdalanbaıdy.

Joǵary sybaılas jemqorlyq táýekelderi jer berý rásimderinde bar. Sonyń saldarynan jyl saıyn osy salada júzdegen sybaılas jemqorlyq qylmystary tirkeledi».

Osy rette baıandamashy geoportaldardy jedel engizýdiń mańyzdylyǵyn, bul Mınıstrliktiń basqa da ýákiletti memlekettik organdarmen birlesken basym mindeti bolýy tıis ekenin atap ótti.

A.Q. Jumaǵalıev Agenttiktiń ustanymyn qoldaı kele «Memlekettik qyzmetterdi sıfrlandyrýdyń 82%-y turmystyq sybaılas jemqorlyq kórinisterin barynsha joqqa shyǵarǵanyn» atap ótip, jergilikti atqarýshy organdar men mınıstrlikterdiń qyzmetinde ashyqtyqty qamtamasyz etý boıynsha birlesken jumysqa daıyn ekendigin bildirdi.

O.A. Bektenov óz sózin qorytyndylaı kele, qoǵamnyń barlyq ómir súrý salasyna sıfrlyq tehnologııalardy engizý eldegi sybaılas jemqorlyq deńgeıin tómendetýdiń basty faktorlarynyń biri bolyp tabylatynyn atap ótti» delingen habarlamada.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar