Aımaqtar • 19 Mamyr, 2020

Aqmolada jol jóndeý jumystary qarqyndy júrgizilýde

6 retkórsetildi

Oblys ortalyǵy nemese respýblıkalyq mańyzy bar joldar ǵana emes, aýdandarda da bul baǵyttaǵy jumystar qyzý. Ásirese «Aýyl-el besigi» baǵdarlamasy aıasynda  aýylishilik joldarǵa erekshe mán berilgen.

Máselen, Bulandy aýdanynyń ortalyǵy Makınsk qalasynyń jáne Altyndy men Kapıtonovka aýyldarynyń ishki joldaryna ortasha jóndeý jumystary júrgizilýde. Makınsk  qalasynyń tek jolaýshylar ótetin bóligi ǵana emes, turǵyndardyń shaǵymy mol túsetin, kópten jóndeý kórmegen kóshe joldary da qalypqa keltirilýde. Ortasha jóndeý kóretin joldardyń jalpy uzyndyǵy 8 shaqyrymdy quraıdy.

– Bıylǵy jyly oblystyq bıýdjetten Makınsk qalasynyń  kóshelerin ortasha jóndeýden ótkizý úshin 261 mln aqsha bólingen bolatyn. Qazirgi tańda konkýrstyq sharalar ótip, kelisim-shart jasaldy. Jumys bastalyp ketti. Shildeniń orta sheninde aıaqtaımyz, – deıdi aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń jetekshisi Kenjegúl Pirimbetova.

Bir qýantarlyǵy, bıyl aýdanǵa qarasty eldi mekenderde de «Aýyl – el besigi» baǵdarlamasy aıasynda joldardy jóndeý jumystary qolǵa alyndy. Máselen Altyndy aýylynyń kireberisi men ishki joldaryn jóndeýge oblystyq bıýdjetten 120 mıllıon teńge bólingen. Merdiger anyqtalyp, jóndeý jumystary bastalyp ketti. Sonymen qatar Kapıtonovka aýylynyń joldaryn jóndeýge 80 mln teńge qarastyrylǵan. Bıyl aýdan ortalyǵynda sondaı-aq blokty-modýldi bý qazandyǵyn salý josparlanyp otyr. Bul maqsatqa oblystyq qazynadan 250 mln teńge bólingen.

Sońǵy jańalyqtar

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar