Aımaqtar • 19 Mamyr, 2020

Shymkentte memlekettik qyzmetke ornalasý konkýrstary onlaın ótedi

22 retkórsetildi

Memlekettik qyzmet isteri Agenttiginiń bastamasymen «Memlekettik qyzmetke ornalasý erejelerine» birqatar ózgerister engizildi. Atalǵan ózgeristerdiń basym bóligi memlekettik qyzmetke qabyldaný barysyndaǵy áńgimelesý rásimderin jeńildetýge qatysty.

Búgingi tańda memlekettik ákimshilik laýazymǵa úmitker kez kelgen azamat konkýrsqa qujattaryn elektrondy túrde joldap, áńgimelesý rásimine memlekettik organǵa kelý qajettiliginsiz úıinde otyryp qashyqtyqtan onlaın túrde áleýmettik jeli qosymshalary (Zoom, Skype, Whatsapp t.b.) arqyly qatysa alady. Bul óz kezeginde úmitkerlerdiń ýaqyty men qarajatyn únemdeýge yqpalyn tıgizgenin atap ótken jón. 
 
«Memlekettik qyzmetke ornalasý erejelerine» ózgerister engizý ýaqyty elimizdegi tótenshe jaǵdaımen tuspa-tus keldi. Sol sebepti QR Memlekettik qyzmet isteri agenttiginiń Shymkent qalasy boıynsha Departamenti tarapynan qaladaǵy memlekettik organdardyń 30 memlekettik ákimshilik laýazymyna ornalasý úshin konkýrstar jarııalanyp, barlyq konkýrs kezeńderi tolyqtaı onlaın rejımde ótkizildi. 
 
Máselen, Ál-Farabı aýdany ákimi apparatynyń memlekettik ákimshilik laýazymyna konkýrs arqyly bas maman bolyp taǵaıyndalǵan E.Ábilmájinov: «Bul ózgerister áńgimelesý rásimine kez kelgen jerden qatysý múmkindigin berip, maǵan qatysý úshin óte yńǵaıly boldy. Sebebi karantın kezinde konkýrsqa úıden shyqpaı qujattarymdy tapsyryp, áńgimelesý rásimine qatysý múmkindigin týdyrdy» – dep oń pikirin bildirdi.
 
Budan bólek, áreketke qabiletti árbir kámeletke tolǵan Qazaqstan Respýblıkasynyń azamaty áńgimelesý rásimine baıqaýshy esebinde qatysa alady.
 
Osy rette Shymkent qalasynyń Abaı aýdany ákimi apparatynda ótkizilgen konkýrsqa onlaın rejımde baıqaýshy esebinde qatysqan azamatsha M.Ergasheva konkýrsta úmitkerlerge laýazymdaryna sáıkes suraqtar qoıylyp, ashyq túrde aıqyndalǵan tártippen ótkendigin málimdedi. Odan bólek onlaın rejımde ótken áńgimelesý konkýrs komıssııasynyń jumysyna kedergi keltirmegenin atap ótti.
 
Bos memlekettik ákimshilik laýazymdarǵa ótkiziletin barlyq konkýrstardyń zańǵa sáıkes jáne qabyldanǵan erejelerge saı ótkizilýi QR Memlekettik qyzmet isteri agenttiginiń Shymkent qalasy boıynsha Departamenttiń basty nazarynda. Engizilgen ózgertýler azamattar úshin memlekettik qyzmetke ornalasý rásimin jeńildetedi jáne ótkiziletin konkýrstardyń ashyqtyǵyna kepil bolary sózsiz.
 
 
Shymkent
Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar