Qazaqstan • 19 Mamyr, 2020

Qazaqstan Azamattyq avıasııadaǵy CAPSCA kelisimine qosyldy

13 retkórsetildi

Birqatar ýaqyttan beri IIDM Azamattyq avıasııa komıteti, «Qazaqstannyń avıasııalyq ákimshiligi» AQ IKAO jáne DDCU sarapshylarymen áýe kóligi arqyly aýrýdyń taralý máseleleri boıynsha birlesip jumys isteýde.  Nátıjesinde, Qazaqstanǵa aýrýdyń taralý qaýpine qarsy kúres úshin IKAO men DDSU qurǵan erikti halyqaralyq organ - CAPSCA-ǵa qosylý usynyldy, dep habarlady IIDM baspasóz qyzmeti.

Bul avıasııalyq qaýipsizdikti jetildirý úshin eldiń avıasııalyq bılik oryndary júrgizetin qyzmettiń az ǵana bóligi. Júrgizilgen jumystardyń nátıjesinde Halyqaralyq Uıymnyń avıasııalyq qaýipsizdik salasynda qol jetkizgen jetistikterdi moıyndady.

Búgingi tańda CAPSCA mamandary azamattyq avıasııanyń jolaýshylar tasymalyn qalpyna keltirý jáne COVID-19 taralýy jaǵdaıynda áýe kemeleri ekıpajdarynyń ushýdy qaýipsiz oryndaýyn qamtamasyz etý sharalaryn talqylaýda. Ushýlardy úzdiksiz oryndaýdy qoldaý boıynsha CAPSCA keńesi turaqty túrde on-laın rejıminde azamattyq avıasııada múddeli taraptarmen DDSU-men, qoǵamdyq densaýlyq saqtaý organdarymen jáne IKAO úılestirýshilerimen tyǵyz yntymaqtastyqta ótkizedi. Qazaqstannyń avıasııalyq ákimshiligi osy forýmdarǵa qatysý úshin medısınalyq qyzmetkerleriniń birin jáne jedel sarapshyny taǵaıyndady.

Jolaýshylar reısteri avıasııany qalpyna keltirýdiń tolyq baǵdarlamasynyń bóligi retinde qarastyrylady jáne arnaıy ázirlengen is-sharalardyń kómegimen densaýlyq úshin qaýipti joıý kezinde jolaýshylardyń senimin qalpyna keltirýge erekshe nazar aýdarylady.

COVID-19 shyqqannan beri júzdegen ǵylymı maqalalar jarııalandy jáne úlken ǵylymı-zertteý jumystary júrgizilýde. IATA medısınalyq konsýltanttary men 10 iri áýe kompanııasynyń medısınalyq dırektorlar tobynyń saraptamalyq baǵalary negizinde daıyndalǵan esepte, sondaı-aq 70 áýe kompanııasynyń (álemdik jolaýshylar aǵynynyń jartysyn quraıtyn) baıandamasynda ushý kezinde jolaýshydan jolaýshyǵa COVID-19 juqtyrǵan birde-bir jaǵdaı tirkelmegen. 

Mamandardyń pikirinshe, vırýstyń ushý kezindegi taralý yqtımaldyǵynyń tómen bolýy áýe kemesindegi vırýstyq ınfeksııanyń tikeleı taralýyna kedergi keltiretin aýa aǵynynyń sıpattamasy men baǵytynyń erekshelikterine baılanysty. Áýe kemesi - qysymdaǵy alıýmınıı qubyrynyń bir túri. Aýa atmosferadan túsedi jáne salonnyń joǵarǵy bóligine beriledi. Taza aýa ishte aınalady, al endi qajet emes barlyq shyǵatyn aýa tómengi bólikke túsedi, edendegi jeldetý tesikteri arqyly laınerdiń artqy jaǵyna baryp, odan syrtqa shyǵady. Qazaqstandyq úılestirýshiler álemniń basqa qatysýshylarymen birlese otyryp, aýrýlardyń berilý máselesin sheshý úshin osy suraqtardy zertteıdi.

Pıter Grıffıts, Qazaqstannyń avıasııalyq ákimshiliginiń bas dırektory: «Jahandyq máselelermen jumys jasaý kezinde osy sharalardy talqylaý úshin qurylǵan uıymdardań jumysyna qatysý óte mańyzdy. Osy uıymǵa qosyla otyryp, Qazaqstan jahandyq sharalarǵa qatysyp, óz úlesin qosyp qana qoımaı, sonymen qatar onyń qosqan úlesi ınfeksııanyń taralý qaýpin múmkindiginshe tómen deńgeıde saqtap qalýyn qamtamasyz etýden de utady».

CAPSCA - azamattyq avıasııadaǵy qoǵamdyq densaýlyq saqtaý is-sharalaryn basqarý quqyǵymen 2006 jyly SARS-tiń órshýine baılanysty daǵdarystan keıin IKAO-men qurylǵan joba.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar