Aımaqtar • 19 Mamyr, 2020

Jedel áreket etý ortalyǵyna 14 236 ótinish túsken

9 retkórsetildi

Elimizdegi Tómenshe jaǵdaı ýaqytynda oblys  ortalyǵynda Jedel áreket etý ortalyǵy quryldy.

Oblystyq ákimdiktiń málimetinshe, nátıjesinde, óńir jurtshylyǵynyń 1300 baılanys  nómirine jiberilgen suraq-saýaldaryna  jaýap berilip, ótinishteri oryndaldy. Bul Jedel áreket etý ortalyǵynyń  tıimdiligin kórsetti. Mamandar turǵyndardan qońyraýlardy qabyldap qana qoımaı, ózderi qaıta habarlasyp, máseleniń sheshilý barysyn baqylaýda. Sonymen birge, qaladaǵy 109 biryńǵaı baılanys ortalyǵy da qosylyp, karantındik sharalarǵa qatysty ótinish-shaǵymdar qabyldanýda.

-Jalpy turǵyndardan meniń jáne ákimdikterdiń áleýmettik jelilerdegi paraqshalaryna 2079 suraq kelip tústi. Olardyń eshqaısysy nazardan tys qalǵan joq, dedi oblys  ákimi Ábilqaıyr Sqaqov  BAQ ókilderimen kezdesý barysynda.

Ár salada qyzmet etetin 58 memlekettik qyzmetshi jedel ortalyqtyń jumysyna jumyldyrylyp, 14 236 ótinishti qabyldady. Al, Tótenshe jaǵdaıǵa baılanysty turaqty tabysynan aıyrylǵan 170 200 turǵynǵa 42500 teńgeden, «Biz birgemiz» qoldaý sharasy aıasynda 21 899 adamǵa 50 myń teńgeden tólengen. Buǵan qosa, 14 778 azamatqa azyq-túlik jıyntyǵy berildi. Osylaısha, 200 myńnan astam óńir turǵyny memlekettik qoldaýǵa ıe boldy. Daǵdarysqa qarsy sharalardyń biri- «Jumyspen qamtý jol kartasy» baǵdarlamasy boıynsha oblysta jańadan 12 myńnan astam jumys orny qurylmaq.

Baǵdarlamalardy iske asyrý nátıjesinde 30 myńnan astam adamdy jumyspen qamtý múmkin bolmaq. Sondaı-aq, 1 myń kásipkerge «Bıznestiń jol kartasy-2025», «Qarapaıym zattar ekonomıkasy» baǵdarlamalary aıasynda kómek kórsetiledi.

Al, «Jumyspen qamtý jol kartasy» baǵdarlamasy jobalarynyń iske asý barysy basty baqylaýda bolady.

Bıýdjettiń ár teńgesi tıimdi paıdalanylýy úshin kelisimshart jasalǵan sátten nysan paıdalanýǵa berilgenge deıingi jumystyń barlyǵy qatań qadaǵalanady.          

 

Pavlodar oblysy

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar