Bilim • 20 Mamyr, 2020

Qazaq balalary úzdik «altylyqta»

30 retkórsetildi

Álemge máshhúr Microsoft korpora­sııasynyń «The next AI Guardians» halyqara­lyq baıqaýy bıylǵy qańtarda bastalǵan edi.  

Sonymen Qazaqstandaǵy Sýleımen Demırel ýnıversı­tetiniń stýdentteri men magıs­tranttarynan quralǵan komanda baıqaýǵa qatysyp, ekinshi irikteý kezeńinen keıin fınalǵa shyqty.

4 adamnan quralǵan komanda «Emtı­handardy basqarýdyń jetildirilgen júıesi» («Advan­ced Examination Management System») veb-qosymshasyn ázir­legen. Atalmysh qosymsha arqyly pedagogter emtıhan úderisin basqarýǵa (keńeıtilgen redaktory bar suraqtar men jaýaptar qyzmetin qoldanyp) jáne onlaın-emtıhandar qa­byl­daýǵa bolady. Emtıhan kezin­de veb-qosymsha arqyly tere­zeler arasynda aýysý, kó­shirý jáne kiristirý sııaq­ty braýzerdiń qoldaný belsen­diligin qadaǵalaý qaras­ty­rylǵan. Sondaı-aq fokýs­ty, emo­sııalar men qyzyǵýshy­­lyq­ty baqylaýǵa bolady. Sony­men qatar júıe oqytýshyǵa em­tı­han kezinde stýdenttiń is-áreketi turaly habardar bo­lý­ǵa múmkindik beredi jáne pla­gıatty anyqtaý jáne onlaın emtıhan kezinde basqa kúdikti áreketterdi boldyrmaý úshin arnaıy qyzmetimen jab­dyqtalǵan. Qosymsha arqyly emtıhan aıaqtalǵannan keıin jınalǵan málimetterdi (trekerlerden) mashınamen oqytý algorıtmderin paıdalana otyryp taldaýǵa, usynymdardy daıyndaýǵa jáne oqýshylardyń úlgerimin qadaǵalaýǵa bolady.

«Joba ıdeıasy maǵan nus­qaýshynyń kómekshisi bolyp júrgen kezde, onlaın-vıktorına uıymdastyrý barysynda keldi. Sol kezde men aqyly plagındi qoldanǵan edim, biraq úmitim aqtalmady, onlaın emtıhandarmen meniń eks­perımentim sátsiz bolyp shyq­ty. Sondyqtan men úshin emtıhandy baǵalaýǵa baılanysty qaǵaz jumysyn azaıtýǵa jáne kóshirýdi anyqtaı alatyn platformany ázirleý óte qyzyqty boldy. Osy baıqaýda biz komandamen «The next AI Guardians» baıqaýyna óz konsepsııamyzdy usynyp, fınal­ǵa óttik», deıdi komanda­nyń bir múshesi Qurmanǵazy Qońyratbaev.

Irikteý kezeńinde qazaq­standyq komanda norvegııalyq qatysýshylarǵa keńes bergen Microsoft-tyń tálimgerimen úzdik­siz jumys istegen. Onyń kómegimen komanda jobanyń tehnıkalyq bólimin daıyndap, tıimdi bıznes-modeldi quryp, óziniń básekelestik ar­tyq­shylyqtaryn baǵalap, na­ryq­qa shyǵý strategııasyn qa­lyp­­tastyrdy. Microsoft-tyń qazylar alqasyn konsepsııamen tanystyrý onlaın rejimde ótti, nátıjesinde komanda fınalǵa shyqqan alty úzdik komanda qataryna kirdi.

Qazir komanda músheleri fınalǵa daıyndalyp jatyr, tálimgermen apta saıyn onlaın keńesip, baıqaýdyń fınalynda jeńiske jetýdi josparlap otyr. AI University Virtual Boot­camp fınaly 2020 jyldyń 18 maýsymynda ótýi tıis edi. Alaıda qazirgi jaǵdaılarǵa baı­­lanysty is-shara onlaın for­matqa kóshiriledi. Fınal­dyń kúni men ýaqyty belgi­len­­­gende, barlyq 6 komanda jo­­ba­­laryn onlaın rejimde qorǵaıdy.

«Qazaqstandyqtar­dyń osy baı­­­qaý­­daǵy jetistikterin maq­­tan tutamyz. Biz qory­tyn­dy ke­ze­ń­­niń bir bóligi retinde jos­­­­par­­­lan­ǵan eki kúndik haka­tondy áli de ót­kize alamyz d­ep úmit­tenemiz, qazir ol jaǵ­daı jaq­sarǵanǵa deıin belgi­siz mer­zimge ke­ıin­ge qaldy­ryl­dy. Sol kezde barlyq alty ko­man­da Majarstanda, Býda­pesht qala­synda ótetin fınal­ǵa qa­tysa alady. Uıym­das­tyrý­shy­lar barlyq qatysý shyǵyn­da­ryn óz moınyna alady», de­ı­di «Microsoft Qazaqstan» kom­pa­nııa­synyń bilim berý sek­tory­nyń jetekshisi Nurlan Jánibek.

Baıqaýdyń negizgi maq­saty – 29 elmen birge Qazaq­stan Res­pýblıkasynyń ýnıver­sıtet­teri stýdentteriniń, zertteýshi­leri­niń jáne oqytýshylarynyń shy­ǵarmashylyq sheshimderin ja­­san­dy ıntellekt (JI) negi­zin­­de bilim berý salasyna engizý.

 

ALMATY

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar