Koronavırýs • 20 Mamyr, 2020

Covid-19: Tegin test kimderge jasalady?

58 retkórsetildi

Koronavırýsty anyqtaıtyn polımerazdyq tizbektik reaksııa (PTR/PSR) testin tegin ótkizý úshin el qazynasynan 5,4 mlrd teńge bólingen. Negizinde bir testtiń baǵasy shamamen 11,5 myń teńge turady. Endeshe, PTR test kimderge tegin jasalady?

Áleýmettik medısınalyq saq­tan­­dy­rý qorynyń habarlaýynsha, bıýd­jetten bólingen qarjydan 1,7 mlrd teńge stasıonarlarǵa, 3,7 mlrd teńge konsýltasııalyq-dıag­­nostıkalyq» qyzmetter kór­s­et­e­tin em­hanalarǵa baǵyttalǵan. Osy medısınalyq uıymdarda em­de­lýshiler PTR-testen tegin ótedi. Atap aıtqanda, COVID-19-ǵa kú­dik­ti provızorlyq sta­sıo­nar­ǵa jat­qy­zylǵandar, JRVI jáne pnevmonııa sımptomdary bar azamattar, koro­navırýs juqtyrǵandarmen ja­qyn baılanysta bolǵan adamdar, sta­sıonarǵa josparly emdeýge jat­qy­zy­latyn pasıentter, tynys alý organdarynyń, endokrındik jáne júrek-qan tamyr júıeleriniń aýrýlarymen dınamıkalyq baqylaýdaǵy 50 jastan asqan pasıentter, shetelden kelgender, koronavırýstyń aldyn alý sharalaryna tartylǵan Ishki ister mınıstrliginiń qyzmetkerleri tegin tapsyra alady.

Al óńirlerdegi testilerdiń qa­jet­ti sanyn jergilikti atqarýshy or­gandar aıqyndaıtyn bolady. Bú­gin­de Áleýmettik medısınalyq saq­­tandyrý qory COVID-19-ǵa zertteý júrgizetin 600-den astam medı­sınalyq uıymdarmen kelisimshart­tar jasaǵan.

Tegin testileýdi Densaýlyq saqtaý mınıstrligi Taýarlar men qyz­metterdiń sapasy men qa­ýip­sizdigin baqylaý komıtetiniń «Ult­tyq saraptama ortalyǵy» da júr­giz­di. Al bul sanattaǵylarǵa úı karantınindegilermen baılanys­ta bolǵandar, arnaıy jasaqtar (res­pı­ratorlyq sımptomdary bar jáne juqtyrý qaýpi joǵary medısına qyzmetkerleri; epıdemııaǵa qarsy is-sharalarǵa qatysatyn memlekettik organdardyń qyzmetkerleri; qart­tar úılerindegi, ınternattyq jáne ózge de mamandandyrylǵan uıym­dar­daǵy adamdar) jáne áskerge shaqy­ry­lýshylar jatady.

 

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar