Aımaqtar • 20 Mamyr, 2020

Qaraǵandy oblysy: 24 adamǵa «jaman tumaý» juqty

68 retkórsetildi

Qaraǵandy oblysynda ótken táýlikte COVID-19 pandemııasyn  juqtyrýdyń 24 oqıǵasy tirkeldi, dep habarlady oblys ákiminiń baspasóz qyzmeti.

Aýyrǵandardyń qatarynda Qaraǵandy qalasynyń 13 turǵyny bar. Olar 21 jastan 62 jasqa deıingi 10 er adam jáne 1990, 1997, 2000 jyldary týǵan úsh áıel.

Sondaı-aq, Temirtaý qalasynda turatyn 31 jastan 58 jasqa deıingi segiz  er adamnyń, tórt jastaǵy balanyń jáne 1973 jyly týǵan áıeldiń de koronavırýs juqtyrǵany zerthanalyq negizde rastaldy. Taǵy bir pasıent Aqtaý qalasynan, 1986 jyly týǵan er adam.

Barlyq pasıentter buryn COVID-19 indetin juqtyrǵandarmen jaqyn qarym-qatynasta bolǵan.

Aýyrǵandar ınfeksııalyq stasıonarǵa jatqyzyldy. Qazirgi ýaqytta olardyń densaýlyq jaǵdaıy qanaǵattanarlyq deńgeıde. Indettiń aldyn alý is-sharalaryn ótkizý úshin naýqastarmen baılanysta bolǵan adamdar anyqtalý ústinde. Juqtyrý oshaqtarynda dezınfeksııalyq jumystar júrgiziledi.

Búginge kelip túsken málimetterge sáıkes, Qaraǵandy oblysynda  SOVID-19 juqtyrýdyń 287 jaǵdaıy tirkelgen. Onyń ishinde úsh naýqas osy dertten qaıtys bolyp, 156 adam jazylyp shyqty.

 

Qaraǵandy oblysy

 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar