Álem • 20 Mamyr, 2020

Abaı shyǵarmalary qyrǵyz tiline aýdaryldy

55 retkórsetildi

Abaıdyń óleń-jyrlary men poemalary qyrǵyz tilinde jaryq kórdi. Bul týraly Halyqaralyq Túrki akademııasynyń prezıdenti Darhan Qydyráli habarlady.

«Halyqaralyq Túrki akademııasynyń uıytqy bolýymen Abaıdyń óleń-jyrlary men poemalary qyrǵyz tilinde jaryq kórdi. Baýyrlas eldiń baıtaǵy Bishkekte jaryq kórgen bul basylymnyń akademııalyq alǵashqy jınaq ekenin aıta ketý kerek.

Buǵan deıin Alataýdyń arjaǵynda Abaıdy qyrǵyzsha sóıletken aqyndar az bolmaǵan. Uly aqyndy alǵash qyrǵyzdyń klassık aqyny Jomart Bókónbaev 1930 jyldardyń sońynda qotarǵan kórinedi. Sodan keıin akademık, Eńbek eri, ataqty Aaly Toqombaev bastap, Qyrǵyz eliniń batyrlary Sooronbaı Jýsýev, Súıinbaı Eralıev, el aqyndary Jalıl Sadykov, Súıerqul Týrgýnbaev, Omar Sultanov, Joldoshbaı Abdykalykov, Túgelbaı Qazaqov, Kerımbek Kadyrakýnov syndy aqyndar jalǵaǵan aýdarmashylar tizimin qazaq pen qyrǵyzǵa dáneker bolyp júrgen Perizat Almaz Kyzy qaryndasymyzǵa deıin ákelýge bolady», - dep jazdy Darhan Qydyráli Facebook paraqshasynda.

Onyń aıtýynsha, jańa akademııalyq jınaqta joǵaryda atalǵan ataqty aqyndardyń eń tańdaýly aýdarmalary tańdap alynyp, olarǵa túsinikteme jazylyp, oıshyl aqynnyń jyrlary kezinde Muhtar Áýezov túzgen hronologııalyq júıemen berildi.

«Mashaqatty jumysty úılestirip, búkil aýdarmalardy salystyryp, olarǵa ǵylymı túsinikter jazǵan belgili qyrǵyz aqyny Kerimbek Qadyraqýnov pen akademııa qyzmetkeri, professor Qadyraly Qońqabaev aǵama alǵys aıtamyn! Uly Abaıdyń ádebı murasy birligi jarasqan baýyrlas eldiń rýhanı baılanystaryn bekemdeı bersin!», - dep jazdy Darhan Qydyráli.

123

Sońǵy jańalyqtar

Qapshaǵaı qalasynyń ákimi aýysty

Aımaqtar • Búgin, 17:20

Jigittiń jaqsysy

Rýhanııat • Búgin, 16:21

Qylmystyq top qarajatty ofshorǵa aýdarǵan

Ekonomıka • Búgin, 15:50

Erık Kantona kósh bastap tur

Aımaqtar • Búgin, 15:16

Almatyda HQO-lar jumysyn qaıta bastady

Aımaqtar • Búgin, 13:00

Uqsas jańalyqtar