Aımaqtar • 20 Mamyr, 2020

Nur-Sultanda qaı jerlerge shomylýǵa bolady?

16 retkórsetildi

Osy kezeńde kúndelikti 20 kásibı qutqarýshy, 14 qaıyq, sondaı-aq qoǵamdyq qutqarýshylar qatarynan 30 adam, azamattyq qorǵanysty qamtamasyz etý ortalyǵynan 15 adam jumyldyrylady dep habarlaıdy Nur-Sultan qalasy ákimdiginiń resmı saıty.

Tekseris qorytyndysy boıynsha qala aýmaǵynda 23 shomylý orny anyqtaldy. Olardyń úsheýi ǵana resmı ruqsat etilgen: ortalyq jaǵajaı, «Trı peskarıa» jáne «Astanalyq aýla» demalys aımaǵy, dep habarlady Nur-Sultan qalalyq tótenshe jaǵdaılar departamenti bastyǵynyń orynbasary Esen Baıyrov.

«Aýdan ákimdikterimen birlesken aralaý qorytyndysy boıynsha Almaty – 3, Baıqońyr – 1, Esil – 3 jáne Saryarqa – 3 aýdandarynda on ýchaskede tegin jaǵajaılar ashýǵa sheshim qabyldandy», – dep atap ótti E. Baıyrov.

Sonymen qatar, 9 mamyrdan bastap TJ departamenti ákimdikpen birlesip tyıym salý belgileri men aqparattyq stendter ornatyp, shomylý oryndarynyń túbin tekserýde. Demalys oryndary men qalalyq jaǵajaı ıelerine aqparattyq hattar tabys etildi. Jaǵajaı maýsymyna kúndelikti patrýlge jeke quramnyń 20 adamy, 14 qaıyq, sondaı-aq qoǵamdyq qutqarýshylar qatarynan 30 adam jáne qala ákimdiginiń azamattyq qorǵanysty qamtamasyz etý ortalyǵynan 15 adam qatysady.

25 mamyrdan bastap sý aıdyny boıynda ornalasqan turǵyn úı alaptarynda, demalys aımaqtary men tyıym salynǵan shomylý oryndary boıynsha halyqpen tolyq aýqymdy aqparattyq-úgit-nasıhat júrgiziledi. Sonymen qatar, qala akvatorııasynda polısııa, TJD, Ulttyq gvardııa birlesken reıd ótkizý kestesi bekitildi. Sondaı-aq sýǵa túsýge ruqsat etilgen jáne tyıym salynǵan oryndar kórsetilgen patrýl kartasy jasaldy. TJD málimetinshe, sońǵy úsh jylda qala akvatorııasynda 43 adam qaza tapty. Onyń ishinde árbir úshinshi adam – 9-dan 15 jasqa deıingi bala. Sol kezeńde qala sý aıdyndarynda 50 adam, onyń ishinde 14 bala qutqaryldy.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar