Aımaqtar • 20 Mamyr, 2020

Á.Sqaqov oblystaǵy jemqorlyqqa qarsy kúreske kóńili tolmaıtynyn aıtty

17 retkórsetildi

Oblys ákimdiginde sybaılas jemqorlyqqa qarsy is-qımyl jónindegi komıssııanyń otyrysy ótti, dep habarlady pavlodarnews.kz tilshisi.


Jıynǵa qatysqan Memlekettik qyzmet isteri agenttigi Pavlodar oblysy boıynsha departamentiniń basshysy Toqtamys Jumaǵulov resmı organdardaǵy memlekettik qyzmet kórsetýdiń sapasy týraly aqparat jetkizdi. Onyń sózine qaraǵanda, 2019 jyly júrgizilgen tekserister nátıjesinde memlekettik qyzmet kórsetý salasynda 3719 ereje buzýshylyq anyqtaldy.

Sonyń saldarynan memlekettik mekemeler men uıymdardyń 10 qyzmetkeri tártiptik jaýapkershilikke tartylyp, 17 ákimshilik is qozǵaldy. Oǵan qosa, memleket paıdasyna 467 myń teńge kóleminde aıyppul óndirildi.

О́z kezeginde, oblystyq aqparat jáne qoǵamdyq damý basqarmasy basshysynyń mindetin atqarýshy Rýslan Tileýlesov osy baǵyttaǵy ıdeologııalyq jumys týraly baıandady. Sheneýniktiń sózine sensek, atqarylǵan jumystyń nátıjesinde halyqtyń 85%-y antıkorrýpsııalyq saıasatty qoldaıtyn bolǵan.

Oblys ákimi Ábilqaıyr Sqaqov atalǵan sandardyń shynaıylyǵyna kúmán keltirip, óńirimizde sybaılas jemqorlyqqa qarsy is-qımyl jónindegi jumysty synǵa aldy.

-Korrýpsııaǵa qarsy nóldik shydamdylyqty qalyptastyrý boıynsha jumys jetkilikti deńgeıde emes, tipti keı jaǵdaıda sóz júzinde ǵana júrgizilýde. Sońǵy tórt aıda tirkelgen qylmystar sanynyń ósimi istiń tıimsizdigin dáleldeıdi. Máselen, ótken jylmen salystyrǵanda sybaılas jemqorlyqqa qatysty qylmystar 28-den 69-ǵa, paraqorlyq 14-ten 52-ge ósken. Bul - jer-jerlerdegi jumystyń formaldi júrgizilýiniń nátıjesi, - dedi Ábilqaıyr Sqaqov.

Osy oraıda óńir basshysy memlekettik qyzmet kórsetý isin barynsha sıfrlandyrýdy qamtamasyz etip, kóleńkeli ekonomıkanyń úlesin maksımaldy túrde qysqartýdy tapsyrdy.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar